♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
ကြယ်စင်ဆယ့်တစ်
11.jpg
လမင်းရှိုက်သံ
 moon1.jpg
ဆုံမှတ်
11.jpg
မိတော
mitaw2.jpg
moon2.jpg သက်တံ ၁၀စင်း
rainbow.jpg
ကကြိုးနှစ်ဆယ့်တစ်
21.JPG
yellowflowersfront.jpg မိတော
mitaw2.jpg
moon2.jpg
စာအုပ်များကို အွန်လိုင်းမှ ၀ယ်ယူလိုလျှင်..

♫♥●••·˙ကျမစာရေးသူသည်... ဖြစ်ရပ်မှန်၊ စိတ်ကူးယဉ်၊ မျှဝေခံစားမှု များနှင့်... ကောင်းကင်ကြယ်အကြောင်းများလည်း ရေးပါတယ်ရှင်..˙·••●♥♫

♫♥●••·˙My story telling is reshaped by your attentive imagination˙·••●♥♫

December 19, 2014

နတ်ဆိုးသီချင်းကို ခွဲခြမ်းစိတ်ဖြာကြည့်ခြင်း

Filed under: ၀တ္ထု (Novels) — အိမ့်ချမ်းမြေ့ @ 2:34 pm

hc.jpg Eagles album ထဲက Hotel California ဆိုတဲ့ သီချင်းလေးကို လူတော်တော်များများ ရင်းနှီးကြလိမ့်မယ်လို့ ထင်ပါတယ်။ အဲဒီသီချင်းစာသားရဲ့ အဓိပ္ပာယ်ကို ကောင်းကောင်းနားမလည်ခင်အရွယ်ကတည်းက သီချင်းသံစဉ်ကို အလွန်နှစ်သက်မိတယ်။

Eagles album, Hotel California သီချင်းဟာ စေတန် (နတ်ဆိုး၊ အမှောင်ကမ္ဘာ) နဲ့ သက်ဆိုင်တဲ့ သီချင်းလို့ လူတော်တော်များများက ပြောတာတွေကိုလည်း ကြားဖူးခဲ့တယ်။ ယခုအထိလည်း ဒီသီချင်းကို နတ်ဆိုးကိုပူဇော်ထားတဲ့ သီချင်း၊ အမှောင်ကမ္ဘာကို ပသ ထားတဲ့ သီချင်းဆိုပြီးတော့ နားမထောင်တဲ့ လူတွေလည်း အများကြီးရှိကြပါတယ်။ ဒီသီချင်းကို စေတန်သီချင်း လို့ လူတွေကဘာကြောင့်ပြောကြသလဲဆိုတာ သိချင်ခဲ့တယ်။ ဒီလိုနဲ့ လေ့လာသိရှိခဲ့သမျှလေးကို ဝေမျှချင်စိတ်ဖြစ်လာလို့ ဒီစာကိုရေးပါတယ်ရှင်။

Hotel California ဆိုတာ ဘယ်ဟိုတယ်ကို ဖွဲ့တာလည်းက အစ ဂယက်တွေက ရိုက်ခဲ့တာပါပဲ။ အချို့ကလည်း L.A. နားက စိတ္တဇဆေးရုံကို စပ်ထားတာလို့ ပြောသလို၊ အချို့ကလည်း အမေရိကန်နိုင်ငံ လူသားစားကလပ်တစ်ခုက ရူးကြောင်ကြောင်လူတွေအကြောင်း ရေးထားတာလို့ ဆိုကြတယ်။ ဘာဖြစ်လို့လည်းဆိုတော့ စာသားထဲမှာ ‘ဒီဟိုတယ်ထဲကို ကြိုက်တဲ့အချိန်ဝင်လာပြီး တည်းခိုလို့ရပါတယ်၊ ဒါပေမယ့် ဒီဟိုတယ်ထဲက ပြန်ထွက်ဖို့တော့ လမ်းမရှိဘူး’ လို့ ပါတာကိုး။ ဒီကြားထဲမှာ မက္ကဆီကိုနိုင်ငံက ဟိုတယ်မာန်နေဂျာတစ်ယောက်က သူ့ဟိုတယ်ကို ရေးထားတာပါ။ ဟိုတယ်ထဲက အခန်းတစ်ခန်းထဲမှာ Eagles အဖွဲ့သားတွေ လနဲ့ချီနေခဲ့ပြီး Hotel California သီချင်းကိုရေးသွားတာပါဆိုပြီး သတင်းလွှင့်တာနဲ့ မက္ကဆီကိုက အဲဒီဟိုတယ်အထိသွားတည်းပြီး လိုက်ကြည့်သူတွေတောင်ရှိလို့ ဟိုတယ်မာန်နေဂျာက ငွေထုတ်ပိုက်သွားတာမျိုးလည်း ရှိပါတယ်။

ဒီသီချင်းထဲမှာ မူးယစ်ဆေးစွဲမှုတွေ၊ ရူးသွပ်မှု၊ အပျော်တမ်းဆန်တဲ့ လူမှုဆက်ဆံရေးတွေ (ချစ်သူ/ရည်းစား အပျော်တစ်ညတာ ထားတဲ့အကြောင်းတွေ) ကို ရေးဖွဲ့ထားတာတွေပါတယ်လို့ ဆိုပါတယ်။

(ဆက်ဖတ်ရန်…)

December 13, 2014

မီးတိုးပိုး

 dl.png

Dangerous Liaisons ဆိုတဲ့ ရုပ်ရှင်ကို တော်တော်များများ ကြည့်ဖူးကြပါလိမ့်မယ်။ ပြင်သစ်စာရေးဆရာကြီး Pierre Choderlos de Laclos ရဲ့  ၁၇၈၂ တုန်းက ရေးခဲ့တဲ့ Les Liaisons dangereuses ၀တ္ထုရှည်ကြီးကို ရုပ်ရှင်ပြန်ရိုက်ထားတာပါ။ ဒီဝတ္ထုကို adaptation အမျိုးမျိုး ဘာသာစကားအမျိုးမျိုးနဲ့ တိုင်းပြည်မျိုးစုံ ယဉ်ကျေးမှု မျိုးစုံက ပြန်ရိုက်ထားတာပါ။

ပထမဆုံး ကြည့်ဖြစ်တဲ့ adaptation ကတော့ Stephen Frears ဒါရိုက်တာလုပ်တဲ့ Dangerous Liaisons (၁၉၈၈) ပဲ ဖြစ်ပါတယ်။ ထိုရုပ်ရှင်ကို ကြည့်စဉ်က အကြောင်းအရာတစ်ခုလုံးကို ဝေေ၀၀ါးဝါးပဲ နားလည်ခဲ့တယ်။ မသင့်တော်တဲ့ အခန်းတွေရောက်တိုင်း တီဗွီက အမှောင်ချခံထိတာနဲ့၊ အသံတိုးခံထိတာနဲ့ နောက်ဆုံးတော့ “အခန်းထဲသွား စာဖတ်တော့” ဆိုတဲ့ ဆုံးမသံနဲ့အတူ.. ရုပ်ရှင်ကို ဘာမှန်းကို မသိခဲ့ရပါဘူး။

အရွယ်ရောက်လာတော့ အဲဒီရုပ်ရှင်ကို တစ်ခေါက်ကနေ နှစ်ခေါက်၊ နှစ်ခေါက်ကနေ သုံးခေါက် ထပ်ထပ်ကြည့်မိတယ်။ အဲဒီအခါမှာလည်း လူတွေရဲ့ အကျင့်ဆိုးတွေ၊ ယုတ်မာတတ်မှုတွေ နဲ့ အချစ်ကို မီးလို ကစားတတ်မှုတွေကိုပဲ ခံစားနေခဲ့မိတယ်။

(ဆက်ဖတ်ရန်…)

December 12, 2014

စိ.တ္တ.ဇ

Filed under: ကဗျာ (Poems) — အိမ့်ချမ်းမြေ့ @ 1:17 pm

ဒီလမ်းဟာ….
စိတ္တဇဆန်လွန်းတယ်လို့…
တွေးတင်လို့ မလျှောက်တော့ဘူးဆိုကာမှ…..

အလိုလိုနေရင်း
အံတင်းတင်းကြိတ်
ပုပ်ပွပွ ညနေခင်းထဲ
လက်သီးတွေ ဆုပ်မိတာ…

(ဆက်ဖတ်ရန်…)

November 10, 2014

ထားရစ်ခဲ့လေသော…

Filed under: tag game, ၀တ္ထု (Novels) — အိမ့်ချမ်းမြေ့ @ 1:51 am

gathering.jpg

ဖိတ်ဖိတ်တောက်လက်နေတဲ့ မဟာလှေကားကြီးတွေရှိတဲ့ ကျောင်းကြီးရဲ့ ကျောက်ပြားဖြူဖြူတွေပေါ်မှာရပ်ရင်း ကျောင်းကြီးကို အံ့သြတကြီးနဲ့ ငေးလို့နေမိတဲ့ နေ့တစ်နေ့။ လေးထောင့်ပုံကျောင်းကြီးရဲ့ အလယ်မှာ သစ်ပင်၊ ပန်းပင်မျိုးစုံလင်လှတဲ့ ပန်းခြံတစ်ခုကလည်း ရှိနေတယ်။ ပခုံးမှာလွယ်ထားတဲ့ လွယ်အိတ်ကြိုးလေးကို ကျစ်ကျစ်ပါအောင်ဆုပ်ကိုင်ထားရင်း ဘယ်ဘက်ကိုလှမ်းကြည့်လိုက်တော့ မျက်စိတဆုံးမြင်နေရတဲ့ ကော်ရစ်ဒါ။ ညာဘက်ကို လှမ်းကြည့်လိုက်တော့လည်း လေးထောင့်ပုံအုတ်တိုင်လုံးနီနီကြီးတွေကြားထဲ ပြေးလွှားမြူးတူးနေတဲ့ အဖြူအစိမ်း ကျောင်းသူတွေ။

ပန်းခြံထဲကနေ ကျောင်းသူလေးတစ်ယောက်က ပြေးထွက်လာတာကို တွေ့လိုက်ရတယ်။ သူ့နောက်မှာ နောက်ထပ်ကျောင်းသူ သုံးလေးယောက်က ပြေးလိုက်လာတယ်။ ရှေ့ကပြေးလာတဲ့ ကျောင်းသူလေးရဲ့ထမီကို ထပ်ချပ်ပါလာတဲ့ နောက်ကတစ်ယောက်က ဆွဲလိုက်တယ်။

‘အားးး….’ စူးကနဲအော်သံနဲ့အတူ ကျွတ်ခမန်းဖြစ်သွားတဲ့ ထမီစကို ကျစ်ကျစ်ပါအောင်ဆုပ်ထားရင်း နောက်ပြန်လှည့်ပြီး သူမရဲ့သူငယ်ချင်းမ ကို မှီတဲ့နေရာလှမ်းရိုက်နေတယ်။ ပခုံး၊ ခေါင်း၊ လက်မောင်း…။ ရိုက်ခံထိနေတဲ့ မိန်းကလေးက လက်ကလေးနှစ်ဘက်နဲ့ သူမမျက်နှာကို သူမကားထားရင်း တခွီးခွီး ရယ်နေတယ်။

‘စိတ်ပုပ်မ၊ အကျင့်မကောင်းဘူး’
‘ဘာလဲဟ.. မြဲမြဲမြံမြံ ဝတ်တတ်ပြီလား စမ်းသပ်တာလေ’
‘အယုတ်တမာ.မ..’

အော်သံတွေ… ရယ်သံတွေနဲ့အတူ သူတို့တွေ စာသင်ခန်းမတစ်ခုဘက်ကို ပြေးလွှားလို့ သွားကြတယ်။

အဲဒီအချိန်မှာ လှေကားကနေ ကျောင်းသူသုံးယောက်ဆင်းလာတယ်။ သုံးယောက်ထဲမှာမှ အလယ်ကတစ်ယောက်ဆီကို ကိုယ့်အကြည့်တွေ ရောက်သွားတယ်။ မျက်လုံးတောက်တောက်နက်နက်လေးတွေကို ထူထဲလှပတဲ့ မျက်ခုံးမွှေးတွေက ဝန်းရံထားတယ်။ ဆံပင်အုပ်အုပ်လေးတွေ ဝဲကနဲ..။
လှေကားထစ်အောက်ဆုံးရောက်တဲ့အထိ ကိုယ့်ဆီက အကြည့်ကိုမခွာသေးဘူး။ ကိုယ်လည်း ဘာလုပ်ရမှန်းမသိတော့ နှုတ်ခမ်းလေးကို တွန့်ရုံပြုံးပြလိုက်တယ်။ ဒါပေမယ့် သူမဆီက အပြုံးကိုတော့ မရခဲ့ပါဘူး။

‘ကျောင်းအုပ်ဆရာမကြီး လာနေပြီဟေ့….’

ကော်ရစ်ဒါကနေ ပဲ့တင်ထပ်သွားတဲ့ အသံတစ်သံအောက်မှာ ပြေးလွှားနေတဲ့၊ စနောက်နေတဲ့၊ ရယ်မောနေတဲ့အသံတွေ မီးကိုရေနဲ့သတ်လိုက်သလို.. ရှဲကနဲ။

ဆိုင်ရာစာသင်ခန်းနဲ့နီးတဲ့ ကျောင်းသူတွေက အခန်းတွေထဲ ဝင်ရောက်ပျောက်ကွယ်သွားတယ်။ ကျန်နေတဲ့ ကျောင်းသူတွေကတော့ နံရံဘက်ကို ကပ်နိုင်သလောက်ကပ်ပြီးတော့ လက်တွေပိုက်လို့ ခေါင်းတွေကိုငုံ့ထားကြတယ်။

(ဆက်ဖတ်ရန်…)

November 5, 2014

အနမ်းတစ်ပွင့်

Filed under: ဘာသာပြန်, မြ၀တီမဂ္ဂဇင်း (MyaWaDii Magazine), ၀တ္ထု (Novels) — အိမ့်ချမ်းမြေ့ @ 9:13 pm

Embed code

October 24, 2014

မီးပွားတစ်ခုကို ငြိမ်းသတ်ဖို့

Filed under: ၀တ္ထု (Novels) — အိမ့်ချမ်းမြေ့ @ 1:07 am

 library.jpg
ပါလီမန်ဝင်းထဲမှ စာကြည့်တိုက်

အေရိယာစတုရန်း 9,984,670 km² ရှိတဲ့ ကနေဒါဟာ ၂၀၁၃ စာရင်းအရ လူဦးရေ ၃၅သန်းပဲ ရှိပါတယ်။ ကနေဒါနိုင်ငံရဲ့ မြို့တော်ခန်းမတွေ၊ ပါလီမန်အဆောက်အဦးတွေဟာ ခြံစည်းရိုးမရှိတတ်ပါဘူး။ လူနေအိမ်ခြေတွေဟာလည်း ခြံစည်းရိုးတွေ မရှိတတ်ပါဘူး။ အလှပြခြံစည်းရိုးလောက်ပဲထားတတ်တဲ့ သဘောရှိတယ်။

လမ်းတွေပေါ်မှာ ယူနီဖောင်းဝတ်စစ်သားဆိုတာလည်း မမြင်ရတတ်ဘူး။

ကနေဒါနိုင်ငံရဲ့ မြို့တော်ခန်းမတွေ၊ ပါလီမန်အဆောက်အဦးတွေဟာလည်း မြက်ခင်းပြင်ကျယ်ကြီးတွေနဲ့ ကမ္ဘာ့လှည့်ခရီးသည်တွေကအစ၊ မြို့နေလူတို့ပါ တစ်နေကုန်အပမ်းဖြေလှဲလျောင်းလို့ ရတဲ့ နေရာမျိုးပါ။

ကနေဒါမှာ နယ်နမိတ်ချင်းထိစပ်နေတဲ့ အိမ်နီးချင်းက တစ်နိုင်ငံပဲရှိပါတယ်။ အဲဒါကတော့ အမေရိကန်နိုင်ငံပါပဲ။ အိုက်အက်စ်စစ်သွေးကြွတွေကိုတိုက်ဖို့အတွက် ပါလီမန်မှာ ဆန္ဒမဲပေးကြရာမှာ မဲအရည်အတွက် ၁၅၇-၁၃၄ နဲ့အနိုင်ရပြီး၊ အမေရိကန်၊ ဗြိတိန်၊ ဒိန်းမတ်၊ နယ်သာလန်၊ သြဇီ၊ ဆော်ဒီအာရေဗျ၊ ဂျော်ဒန်၊ အီးယူ၊ ဘာရိန်းနိုင်ငံတို့နဲ့အတူ အိုင်အက်စ်စစ်သွေးကြွတွေကို ချေမှုန်းမယ်လို့ ဆုံးဖြတ်လိုက်တဲ့ အောက်တိုဘာလဆန်းကတည်းက ကနေဒါနိုင်ငံဟာ အကြမ်းဖက်သမားတွေရဲ့ ချိန်းခြောက်သတိပေးခြင်းကို ခံရခဲ့တယ်။

(ဆက်ဖတ်ရန်…)

October 15, 2014

စမ်းရည်ဆိုမ်

Filed under: စာစု, ၀တ္ထု (Novels) — အိမ့်ချမ်းမြေ့ @ 11:31 pm

တစ်ကယ်ဆို…
ဘယ်တုန်းကမှလည်း…
သက်ဆိုင်ခဲ့တာ မဟုတ်လေတော့…။

writing-my-heart-out-gladiola-sotomayor.jpg

(ဆက်ဖတ်ရန်…)

October 9, 2014

လပြည့်ညရဲ့ အရေးကြီးပုံ’

Filed under: နက္ခတ်တ္တဗေဒ (Astronomy) — အိမ့်ချမ်းမြေ့ @ 9:57 pm

 moon.jpgလွန်ခဲ့တဲ့ ရက်က လကြတ်သွားပါတယ်။ လ ဆိုတာ လပြည့်မှ ကြတ်ပါတယ်။ နှစ်စဉ်နှစ်တိုင်း လ နှစ်ကြိမ် မှ အများဆုံး ငါးကြိမ်အထိ လကြတ်တတ်ပါတယ်။

အောက်တိုဘာ ဂ ရက် ၂၀၁၄ က ကြတ်သွားတဲ့ လကို သွေးလ (blood moon) လို့ ခေါ်ပါတယ်။ လူတွေက ‘သွေးလ’ လို့ ခေါ်ဆိုကြတဲ့ အကြောင်းကတော့ နွေရာသီကုန်ဆုံးတဲ့ အောက်တိုဘာ နိုဝင်ဘာလတွေမှာ လက မိုးကုပ်စက်ဝိုင်းနားမှာ အချိန်တော်တော်များများ ခိုတွဲနေတတ်တဲ့ သဘောရှိပါတယ်။ လရဲ့အလင်းဟာ ကမ္ဘာ့လေထုကို ခပ်စောင်းစောင်းဖြတ်လာရတာကြောင့်ရယ်၊ လေထုထဲမှာ ဖုန်မှုန့်တွေ များလာတဲ့အခါ လကတဆင့်ရောင်ပြန်ဟပ်တဲ့ နေအလင်းရောင်ကို အနီရောင်အနေနဲ့ မြင်ကြတဲ့ အတွက် လမင်းဟာ အနီရောင်သန်းရာကနေ ‘သွေးလ’ လို့ ခေါ်ဆိုလာကြတာ ဖြစ်ပါတယ်။

 

‘သွေးလ မူရင်းအခေါ်အဝေါ်’

(ဆက်ဖတ်ရန်…)

October 5, 2014

အောက်တိုဘာ

Filed under: အချစ်ဆုံး, ကဗျာ (Poems) — အိမ့်ချမ်းမြေ့ @ 11:58 pm

အောက်တိုဘာ……
နံနက်ခင်းမှာ ပြတင်းပေါက်က ၀င်လာတဲ့ နေရောင်ခြည် နွေးနွေးကို ..
လမ်းတွေပေါ်မှာ ကြွေကျနေတဲ့ နံနက်ခင်းရဲ့ ရော်ရွက်ဝါတွေကို……
ညိုရီမှိုင်းမှိုင်း ကောင်းကင်ကြီးကို…
အဲဒီကောင်းကင်ကြီးထဲ ထိုးထွက်နေတဲ့ ထင်းရူးပင်တွေကို….
ထင်းရူးပင်တွေကြားက ပျံသန်းသွားတဲ့ နံနက်ခင်း ဌက်ကလေးတွေကို…။

အောက်တိုဘာ……
ညက ကျခဲ့တဲ့ နှင်းငွေ့မှုန်တွေနဲ့ နေရောင်ထိတွေ့လို့ ပျံ့လွင့်လာတဲ့ ခြံစည်းရိုးက ရေခိုးငွေ့ တွေကို….
နှင်းငွေ့ လေးတွေ ကပ်နေတဲ့ ပန်းနှင်းဆီလေးတွေကို..
မြက်ခင်းစိမ်းလေးတွေကို..
သစ်ရွက်လေးတွေကို…
ပင့်ကူလေးကို………။

(ဆက်ဖတ်ရန်…)

September 29, 2014

အငွေ့

Filed under: ၀တ္ထု (Novels) — အိမ့်ချမ်းမြေ့ @ 11:47 pm

pebble-beach-wallpaper-3750-hd-wallpapers.jpg

 ကားလီဗာကို ဖိတင်လိုက်တဲ့အချိန်မှာ ဆောင်းဦးရဲ့ လေပြေတွေက ပြတင်းပေါက်ထဲ တရောသောပါး ဝင်လို့လာတော့တယ်။ လမ်းတစ်ဘက် ဘယ်ညာစီတန်းနေတဲ့သစ်ပင်တွေရဲ့ အရောင်စုံသစ်ရွက်တွေက ဆောင်းဦးလေပြေတိုက်ခတ်မှုကြောင့် လမ်းတွေပေါ်ကြွေဆင်းဦးညွှတ် ဝပ်တွားဖို့ဟန်ပြင်နေကြပြီ။

မျက်ဝန်းတွေက ကားအရှိန်ဘယ်လောက်မြင့်မြင့်၊ နည်းနည်းလေးမှ နီးလည်းမလာ၊ ဝေးလည်းမသွားတဲ့ တောင်တန်းပြာကြီးတွေခြေရင်းဆီကို ဦးတည်ကွေ့ဝိုက်သွားတဲ့ လမ်းမပေါ်မှာ။ လီဗာကို ပိုပြီးဖိတင်လိုက်တယ်။ အရောင်စုံသစ်ရွက်တွေကြွေလုလု သစ်ပင်ကြီးတွေက တရိပ်ရိပ်ကျန်ခဲ့တယ်။ အလွန်ကြီးမားလွန်းလို့ လှုပ်ရှားခြင်း မရှိတဲ့ တောင်တန်းပြာကြီးတွေကတော့ သရော်တော်တော် ရယ်မောလိုက်ကြသလိုပဲ။

မြင့်မားလွန်းလို့ မိုးတိမ်တွေထဲအထိ ထိုးဖောက်တော့မယောင် တောင်ထိပ်ဖျားတွေကို မော့မကြည့်တော့ပါဘူးလေ။ ကားကို ညာဘက်က လမ်းချိုးလေးထဲကို အရှိန်ပြင်းပြင်းနဲ့ ကွေ့ဝင်လိုက်တယ်။ လမ်းကလေးဟာ ကျောက်စရစ်ခဲတွေပဲ ခင်းထားတဲ့ လမ်းကလေး။ ကားဘီးနဲ့ ကျောက်စရစ်ခဲလေးတွေ ပွတ်ကြိတ်သွားသံကြောင့် အရှိန်ကို လျော့ချလိုက်တယ်။

တစ်ကယ်တော့ ဒီနေရာလေးကို ဟိုးလွန်ခဲ့တဲ့နှစ်များစွာက သွားရင်းလာရင်း အမှတ်မထင် တွေ့ခဲ့မိတာ။ ကားလမ်းမကြီးဘေးက လူသူတွေကင်းတဲ့ သောင်စပ်ကလေး။ အဲဒီတိုးတိုးတိတ်တိတ် သောင်စပ်ကလေးဟာ ရေထဲကို ဝိုက်ဝိုက်လေး ထိုးဆင်းသွားတယ်။ ရေစပ်နဲ့ခပ်လှမ်းလှမ်းမှာ ကားကို ရပ်လိုက်တယ်။ ပြီးတော့ ကားထဲက မဆင်းသေးဘဲ ဆက်ထိုင်နေမိတယ်။

ဘယ်ဘယ်မှာ မိုးထိတောင်တန်းပြာကြီးတွေ၊ ညာဘက်မှာတော့ မြို့ပြရဲ့အနားသပ်ကောက်ကြောင်း၊ ရှေ့တည့်တည့်မှာတော့ ကမ်းမမြင်လမ်းမမြင် ပစိဖိတ်ပင်လယ်ပြင်ကြီး။ ပင်လယ်လေတွေက ကားထဲကို တိုးခွေ့လို့ ဝင်လာကြတယ်။ ကားခုံပေါ်ကို ငဲ့ကြည့်လိုက်တော့ လောလောလတ်လတ်ဝယ်လာတဲ့ မဖောက်ရသေးတဲ့ မာဘရိုစီးကရက်ဘူးနဲ့ အသစ်စက်စက် အပြာရောင်မီးခြစ်ကလေး။

(ဆက်ဖတ်ရန်…)

September 23, 2014

ကျောင်းတစ်နေ့

Filed under: my notes, စာစု, ၀တ္ထု (Novels) — အိမ့်ချမ်းမြေ့ @ 3:45 pm

 leaves.jpg

နွေအကုန် ဆောင်းအကူးကာလ စက်တင်ဘာနှောင်းသည် လွမ်းစရာကောင်းနေပြန်သည်။

ဆောင်းဦးကို အကြိုထောက်တော့မည့် သစ်ပင်တို့သည် သူတို့၏ အရွက်များကို ချွေချမြေခစေတော့ပြန်မည်။ အနီရင့်၊ အဝါနု၊ လိမ္မော်၊ ပန်းနု၊ အညိုစိမ့်၊ အစိမ်းပြာ စသည်စသည် စုံလှသည့်အရောင်များသည် သဘာဝအလှကို ချစ်မြတ်နိုးတတ်သူတို့ရင်ကို ရစ်မူးစေနိုင်လွန်းသည် မဟုတ်ပါလား။

လူသူကင်းရှင်းတိတ်ဆိတ်လှသော လမ်းများပေါ်ရှိ ရွက်ကြွေတောများထဲ အတွေးတစ်ခုခုကို ရင်မှာပိုက်ရင်း ရွက်ကြွေများကြား ရှပ်တိုက်လျှောက်ရသည့် ခံစားချက်၊ ရွက်ကြွေတို့၏ အသံတိတ်ကြွေလွင့်သွားသံကို ရှာဖွေမောရသည့် မျှော်လင့်ချက်တို့ကလည်း စန္ဒယားခလုပ်ဖြူဖြူများပေါ်သို့ နှင်းဆီပွင့်ချပ်တို့ ခပ်တိုးတိုး ကြွေကျသွားသကဲ့သို့ ဖြစ်နေတတ်သေးသည် မဟုတ်ပါလား။

ရောင်စုံသစ်ရွက်တွေမြေပေါ်မှာ ပြန့်ကျဲနေသည်ကို မှတ်တမ်းတင်ချင်မိသည်မို့ မေမေ့ကို ခဏလေးလိုက်ခဲ့ပါလားဟု အဖော်ခေါ်မိသေးသည်။ သစ်ရွက်ကြွေတို့ အတော်အတန်ကြွေနေပြီဖြစ်သော တစ်ဘက်လမ်းသို့ ကားမောင်းထွက်လာခဲ့မိသည်။ လမ်းထိပ်အရောက် ကားကိုရပ်ပြီး ကားပေါ်မှ မဆင်းခင် မေမေ့ကို အကူညီတောင်းမိပြန်သည်။

‘မေမေ… ကားကို အဲဒီသစ်ရွက်တွေထဲ ဖြတ်မောင်းပေးပါနော်’

(ဆက်ဖတ်ရန်…)

September 19, 2014

အဝေးကြီးက ကြယ်စင်

Filed under: ကဗျာ (Poems) — အိမ့်ချမ်းမြေ့ @ 8:18 pm

ဒီလိုနဲ့….

(ဆက်ဖတ်ရန်…)

September 17, 2014

ပက်ကြားအက် နှလုံးသား

Filed under: ကဗျာ (Poems) — အိမ့်ချမ်းမြေ့ @ 1:32 pm

ကျမရဲ့ …
နေ့လည်စာ သစ်စေ့လေးတွေ ရယ်..
ရင်ထဲက ခံစားချက် အချို့ရယ်…
ပေါင်းစပ်မိတဲ့ အခါ…

(ဆက်ဖတ်ရန်…)

September 10, 2014

“ကြိမ်လုံးမဲ့ အပြုံး”

Filed under: ယဉ်ကျေးလိမ္မာကလေးဂျာနယ်, ဆောင်းပါး — အိမ့်ချမ်းမြေ့ @ 12:35 am

ကျမ လေးတန်းကျောင်းသူဘဝပါ။ ကျောက်သင်ပုန်းရှေ့မှာ စာမရတဲ့ ကျောင်းသားတွေကို သမိုင်းဆရာက ကြိမ်လုံးနဲ့ ရိုက်နှက်ဆုံးမလို့ ပြီးတာ မကြာသေးဘူး၊ အနောက်ဘက်အပေါက်ကနေ သူငယ်တန်းတက်ခါစ ညီမလေးက ဝင်လာပြီးတော့ ကျမတို့ရဲ့ ခုံအောက်မှာ ပုန်းနေခဲ့တယ်။ ခဏကြာသော အတန်းပိုင်ဆရာမနဲ့ ကျောင်းအုပ်ဆရာကြီးကိုယ်တိုင် သူ့ကိုလာချီယူသွားရတယ်။ ကျောင်းအုပ်ဆရာကြီးနဲ့ ညီမလေး ဆွဲကြလွဲကြနဲ့ နောက်ဆုံး ညီမလေးဟာ ဆရာကြီးရဲ့ ပခုံးပေါ် ပါသွားတယ်။ သူမငိုသံဟာ အတန်းထဲမှာ ဝေ့ဝဲကျန်ခဲ့တယ်။

အဲဒီ မနက်ကလည်း သူငယ်ချင်းညီမလေးတစ်ယောက် ကျောင်းမတက်ချင်လို့ လာပို့တဲ့မိဘတွေရဲ့ကားဘီးကိုဖက်ပြီးငိုနေခဲ့တာကို မြင်ခဲ့ရသေးတယ်။ ကျမတို့ကိုယ်တိုင်လည်း ငယ်စဉ်ကလေးဘဝတုန်းက ကျောင်းမတက်ရဘူးဆိုရင် ပျော်ခဲ့ဘူးတယ်။ အထူးသဖြင့် ရိုက်နှက်ဆုံးမတတ်တဲ့ ဆရာတွေ ဆရာမတွေ နေမကောင်းလို့ မလာရင် ပျော်သလား မမေးပါနဲ့။

(ဆက်ဖတ်ရန်…)

September 5, 2014

ဖေ့ဘွတ်ကာ မိတော

Filed under: မိတော, ၀တ္ထု (Novels) — အိမ့်ချမ်းမြေ့ @ 6:46 pm

 blueflower3.jpg

မိတောသည် ဘီစီပြည်နယ်၏ ကျောင်းဆရာ/ဆရာ မ များနှင့် ပြည်နယ်အစိုးရတို့ စစ်အေးတိုက်ပွဲကြောင့် ကျောင်းများ ပြန်မဖွင့်သေးသည် ပြဿနာကို စိတ်ဆင်းရဲကြီးစွာ ခံစားနေရလေသည်။ မိတော၏ ကလေးလေးများသည် ကျောင်းမတက်ရဘဲ၊ အချို့ရက်များတွင် သူတို့၏နာနီနှင့် အချိန်ကုန်သည့်ရက်များရှိသလို၊ အခြားမောင်နှမများအိမ်ရောက်လိုရောက်၊ အဘွားအိမ်ရောက်သည့်နေ့ရောက်၊ သို့မဟုတ် အချိန်ပိုင်း ကျောင်းသို့သွားသည့်နေ့သွား၊ စန္ဒယား၊ ရေကူး၊ တိုင်ဂွမ်တို စသော သီအိုရီများဖြင့်တိုက်ရိုက်မထိတွေ့ရဘဲ… အချိန်ကုန်နေရကား….. စက်တင်ဘာဦး၏ ရွက်ကြွေများကဲ့သို့ သူတို့လေးတွေမှာ ဟိုလွင့်ဒီလွင့် ဖြစ်နေရသကဲ့ မိတောမှာ ခံစားနေရလေသည်။

ဒီကြားထဲမှာ…. ရုံးအလုပ်ကိစ္စများကလည်း နေ့စဉ်နှင့်အမျှ စိတ်ကို ကြပ်ပိတ်လှောင်အိုက်စေသည့်အပြင်၊ စက်တင်ဘာဦးတွင် ကြွေလွင့်တော့မည့် ပန်းအကြွေကောက်ရမည့် ကိစ္စများ၊ ခြံရှင်းရမည့် ကိစ္စများ၊ နှင်းဆီကိုင်း၊ သစ်တော်ကိုင်း၊ ပန်းသီးပင်ကိုင်း ချိုင်ရမည့် ကိစ္စများဖြင့် စိတ်များအလွန်ရှုပ်နေရလေသည်။

တစ်နေ့… မိတော ရုံးကအပြန်တွင် အိမ်တံခါးအဖွင့်… ချစ်စဖွယ် သာသာယာယာ၊ တီတီတာတာနှင့် ပြေးလွှားလာသံလေးများ မကြားသဖြင့် …

‘ကလေးတွေကော…. အစ်မကလေးတွေ ဘယ်ရောက်နေကြသလဲ’ ဟု ပျာပျာသလဲမေးရာတွင်..

(ဆက်ဖတ်ရန်…)

August 31, 2014

‘ငါဟဲ့ စာရေးဆရာ/မ’

Filed under: အတွေးအမြင်, စာစု — အိမ့်ချမ်းမြေ့ @ 11:20 pm

arrogant-frog.gif

သေချာတာကတော့ စာတွေရေးနေကြလို့ ကျမတို့က စာရေးသူများပါ။

အခုနောက်ပိုင်း သတင်းစာ၊ ဂျာနယ်၊ မဂ္ဂဇင်းတွေမှာ စာမူတွေပါလာသည့်တိုင် ကိုယ့်ကိုကိုယ်တွေလည်း စာရေးဆရာ/ဆရာမ များလို့ မသတ်မှတ်ပါဘူး။
(ကျမတော့ ကိုယ့်ကိုကိုယ် မသတ်မှတ်ဘူး၊ ဒါ ကိုယ်သတ်မှတ်လို့ရတဲ့ အရာလည်း မဟုတ်ဘူး၊ အသိုင်းဝိုင်းတစ်ခုက သတ်မှတ်လို့ ရတဲ့ အရာလည်း မဟုတ်ဘူး။ စာဖတ်သူတွေက သတ်မှတ်မယ့် အရာလို့ပဲ ကျမ မြင်ပါတယ်)

ကျော်ကြားချင်လို့လည်း စာရေးတာမဟုတ်သလို၊ ဆုတွေရဖို့လည်း စာရေးတာ မဟုတ်ဘူး၊ လူတွေ ချီးမွမ်းတာကို ခံယူ ကျေနပ်ချင်လွန်းလို့လည်း စာတွေရေးတာ မဟုတ်ဘူး။ အထူးသဖြင့် အွန်လိုင်းမှာက ချီးမွမ်းခံရတာ နည်းနည်း၊ တစ်ချက်မှားရင် ပြောခံထိမှာက များများပါ။ လွတ်လပ်ပွင့်လင်းတဲ့ .. အသိုင်းဝိုင်းတစ်ခုပါ။ ဒါကြောင့် သတ္တိရှိဖို့လည်း လိုအပ်သလို၊ ကိုယ့်ဘက်က အမှားနည်းဖို့လည်းလိုတယ်။

(ဆက်ဖတ်ရန်…)

August 28, 2014

ဖန်ငန်းရုပ်လေး

Filed under: ၀တ္ထု (Novels) — အိမ့်ချမ်းမြေ့ @ 3:07 pm

 swan.jpgမှန်ထဲမှာ မြင်နေရတဲ့ သွယ့် ပုံရိပ်ကို သွယ်ပြန်ကြည့်နေခဲ့တယ်။ ဆံထုံးတွဲ ယဉ်ယဉ်ကလေး၊ နံ့သာရောင်လက်ရှည်အကျီ င်္၊ အဝါနုရောင် ချိတ်ထမီလေးနဲ့ လှချင်တိုင်းလှ၊ ယဉ်ချင်တိုင်းယဉ်နေတဲ့ ‘သွယ်’။ လှချင်တိုင်းလှနေသော်လည်း တစ်နေကုန် လူတွေကြားထဲမှာ လူးလာခေါက်တုံ့ စိတ်မပါဘဲ ပြုံးနေခဲ့ရတဲ့ ကိုယ်နှုတ်ခမ်းတွေကိုလည်း ကိုယ်အားနာလှပါပြီ။

အိမ်ပြန်ရောက်တော့မှ စိတ်လွတ်လက်လွတ် သက်ပြင်းချပြီး တော်ရုံအလှမပြင်တတ်တဲ့ သွယ့်ကိုသွယ် ပြန်လို့ ကြည့်နေမိတာ။
တစ်ကယ်ဆို သွယ် အားလုံးနဲ့ ခပ်ဝေးဝေး နေနေခဲ့တာ ကြာပါပြီ။ သွယ့်ရင်ထဲက ခံစားချက်တွေကို တစ်ယောက်တည်း ထုပ်ပိုးသိမ်းဆည်းရင်း တိတ်တိတ်ကလေး နေချင်တာလည်းပါတယ်။ လူတွေအများကြီးနဲ့ စကားတွေပြောနေရတာကိုလည်း အပိုအလုပ်ကြီးတစ်ခုလို မြင်လာခဲ့တာလည်း ပါတယ်။ ဘယ်လိုမှ ရှောင်လွှဲလို့ မရတဲ့ ဒီနေ့လေးမှာတော့ ဟန်ကိုယ်ဖို့ပါလို့ တစ်နေကုန် ပြုံးထားခဲ့ရတာ။

အဲဒါ… ‘ကိုလေး’ မျက်နှာကြောင့်ပါ။

‘ကိုလေး’ ကျေနပ်မယ်လို့ မျှော်လင့်ပါတယ်။

(ဆက်ဖတ်ရန်…)

August 22, 2014

စိုက်သည့်အတိုင်း

Filed under: ဆောင်းပါး — အိမ့်ချမ်းမြေ့ @ 1:19 am

သြဂုတ်လ ၁၈၊ ၂၀၁၄ အလင်းတန်းဂျာနယ်မှာ ဆရာမချောအိမာန် ရေးတဲ့ ‘ယုံကြည်မှု၏ အနားသတ်မျဉ်းများ’ ဆိုတဲ့ ဆောင်းပါးလေးတစ်ပုဒ်ဖတ်လိုက်ရတယ်။ ဒီဆောင်းပါး ဂျာနယ်ပေါ်အထိပါလာဖို့ နောက်မှာ တွန်းအားကတော့ နည်းမယ် မထင်ပါဘူး။ ထုတ်ဝေသူနဲ့ စာအုပ်မှာ ပါဝင်ရေးသားသူ စာရေးဆရာ/ဆရာမအချို့ရဲ့ မကြေလည်မှုလေးတွေကြောင့် ဖြစ်လိမ့်မလားလို့ ဒီဆောင်းပါးကို ဖတ်ပြီး စဉ်းစားလိုက်မိတယ်။

ဒီစာအုပ်လေးဟာ ဘလောဂါတွေ စုထုတ်တဲ့ ပထမဆုံးသော စာအုပ်တော့ မဟုတ်ပါဘူး။ အဲဒီစာအုပ်ရှေ့မှာ ဘလော့ဂါတွေ စုထုတ်တဲ့ စာအုပ်တွေ ရှိခဲ့ပါတယ်။ အဲဒီစာအုပ်တွေထဲက ဥပမာ ပြရမယ်ဆိုရင်တော့ ‘သက်တံ ၁၀စင်း’ နဲ့ ‘မိုင်တိုင် ၂၀’ တို့ အပါအဝင် ဖြစ်ပါတယ်။

အဲသလို ဘလောဂါတွေစုပြီး ရေးတဲ့စာအုပ်တွေကို ပါဝင်ရေးသားတဲ့အခါမှာ ထုတ်ဝေသူနဲ့ခင်မင်လို့ ပါဝင်ခွင့်ရခဲ့တာ မဟုတ်သလို၊ စာအုပ်တစ်အုပ်ထဲမှာ အတူတူရေးကြတဲ့ စာရေးသူတွေနဲ့လည်း ပါစင်နယ် ခင်မင်လို့ မဟုတ်ခဲ့ကြပါဘူး။ အွန်လိုင်းပေါ်မှ ကလောင်အမည်ရယ်၊ ရေးတဲ့စာရယ်ဟာ စာရေးသူရဲ့အိုင်ဒီပဲ။ ဒီအိုင်ဒီတွေကိုလမ်းခင်းလို့ ယုံကြည်မှုချင်း လက်ချင်းချိတ်တွဲ လုပ်ကြတာဖြစ်တယ်။ ဒါဟာ ဘလောဂ်ရဲ့ စိတ်ဝင်စားဖွယ် အချက်တစ်ချက်။
ကျမရဲ့ အီးမေးထဲမှာ စာလေးတစ်စောင်ရောက်နေမယ်၊ စာမူဖိတ်ခေါ်တယ်၊ ငွေရေးကြေးရေးစကားဆိုတာ မပါ။ စာပေချစ်စိတ်ရှိတယ်၊ လူငယ်ထုတ်ဝေသူတွေကို ကူညီပံ့ပိုးချင်မယ်၊ ကိုယ်ကလည်း ပါဝင်ချင်တယ်၊ အဲဒီအချက်တွေကပဲ တွန်းအားပေးနေတာဖြစ်တယ်။

‘ယုံကြည်မှုရဲ့ အနားသတ်မျဉ်းများ’ ဆောင်းပါးရေးသားသူရဲ့ ရေးထားတဲ့ အချက်တွေ အထဲမှာ…..

“တချို့ကတော့ ကိုယ့်ကိုမှ လူမသိသေးဘူး။ လွယ်မယ်လို့ ထင်တဲ့ စာအုပ်ထုတ်ရေးကိုပါ လုပ်လာကြပါတယ်။ ဒီအချိန်မှာ အဲဒီစာအုပ်ကို စီစဉ်မယ့်သူက ဘယ်လောက်ထိ လုပ်နိုင်မလဲဆိုတဲ့ ကိစ္စ။ ယုံကြည်မှုကိစ္စတွေ ပါဝင်လာပါပြီ။ သူတို့ သိပ်ကို လုပ်နိုင်မယ်ထင်တဲ့ နယ်ပယ်ဒေသ တစ်ခုရဲ့ အကြောင်းကို မလေ့လာ။ ဟုတ်လှပြီအထင်နဲ့ ဘလော့ဂါတစ်လှေကြီးနဲ့။ စာရေးဆရာ၊ ဆရာမများ ပါဝင်စေချင်ပါတယ်။ စာမူရချင်ပါတယ်။ သူ့စာအုပ်က ဘလောဂါတွေနဲ့တင် ရောင်းမယ်ဆို မဖြစ်လို့ပါ။ ဆရာမ ဘယ်သူ့ဘယ်သူတွေကို စာမူတောင်းပေးပါလို့ ဆိုလာပါတယ်”

(ဆက်ဖတ်ရန်…)

August 12, 2014

ကျေးဇူးတင်ရှိခြင်း

Filed under: ၀တ္ထု (Novels) — အိမ့်ချမ်းမြေ့ @ 3:20 pm

visitors.JPG

ဟိုနေ့က တစ်နေ့တာ ဒေတာလေးကို ကြည့်မိတုန်းကပါ..
ဒီလို မကြည့်ဖြစ်တာတောင် နှစ်နဲ့ ချီနေပြီ…
လာလည်သော သူများအားလုံးကို ကျေးဇူးတင်ပါတယ်ရှင်..
အထူးသဖြင့် မြန်မာပြည်နှင့် စင်္ကာပူမှ သူများအပြင် … လာလည်သူ အားလုံးကိုပါ…

August 7, 2014

စိုးစံအီလိတို့အကြောင်း

Filed under: ၀တ္ထု (Novels) — အိမ့်ချမ်းမြေ့ @ 11:43 pm

ဟိုးတစ်ခါတုန်းက အရာရာပေါကြွယ်တဲ့ တိုင်းပြည်ကြီး တစ်ခုရှိသတဲ့။
အဲဒီပေါကြွယ်လှတဲ့ တိုင်းပြည်ကြီးကို အီလိ တို့က စိုးစံကြသတဲ့။

အဲဒီ စိုးစံအီလိတွေဟာ ကန့်လန့်ကာရဲ့ နောက်က ကြီးကျယ်ခမ်းနားလှတဲ့ ထမင်းစားပွဲကြီးတွေမှာ ထမင်းအတူတူစားကြတယ်။
အဲဒီ စိုးစံအီလိတွေဟာ သာမာန်လူတွေ ၀င်ခွင့်မရတဲ့ နန်းတော်ကြီးတွေရဲ့ နောက်က ဂေါက်ကွင်းတွေထဲမှာ ဂေါက်သီးအတူတူ ရိုက်ကြတယ်။
အဲဒီ စိုးစံအီလိတွေဟာ လူတွေ မမြင်နိုင်တဲ့ ဖဲကတ္တီပါ လိုက်ကာတွေ နောက်မှာ နိုင်ငံရေးစကားစစ် ထိုးတတ်ကြသေးတယ်။
အဲဒီ စိုးစံအီလိတွေရဲ့ သားသမီးတွေဟာလည်း အချင်းချင်း ထုတ်စီးတိုးတမ်း၊ ထမင်းချက်တမ်း၊ ပင်ပေါင်၊ တဲနစ်၊ ရေကူးနဲ့ ဂေါက်ကွင်းထဲမှာလည်း ကစားကြသေးတယ်။
အဲဒီ အီလိတွေဟာ တစ်နေ့မှာတော့ နိုင်ငံရေး အစေးမကပ်ကြတော့ဘူး၊
အဲဒီ အီလိတွေဟာ တစ်နေ့မှာတော့ စီးပွားရေ အစေးမကပ်ကြတော့ဘူး။
အီလိတွေဟာ နိုင်ငံကြီးတစ်ခုရဲ့ အဆီအနှစ်ကို ဝေစားမျှစားရာကနေ..
အစေးမကပ်ကြတော့ဘူး။
အဝေမတည့်ကြတော့ဘူး။

ဒီလိုနဲ့ အီလိတို့ဟာ ပြင်းပြတဲ့ အာဏာလုစစ်ပွဲတစ်ပွဲ တစ်ပွဲအတွက် ပြင်ဆင်ကြရတော့တယ်။
သူတို့ဆင်နွှဲမယ့် စစ်ပွဲအတွက် သူတို့အတွက် အသေခံတိုက်ပေးမယ့် စစ်သား/စစ်သမီးတွေကို မျှားကြရတော့တယ်။
အဲဒီမှာ တိုင်းပြည်ထဲက လူတွေကို မျှားဖို့ ငါးမျှားချိတ်ကြီးတွေ တတ်ကြတော့တယ်။

အီလိတစ်အုပ်စုဟာ ငါးမျှားချိတ်တွေမှာ ‘ဒီမိုကရေစီ’ ‘လူ့အခွင့်အရေး’ ‘ညီတူတန်းတူ’ စကားလုံးအကြီးကြီးတွေကို ချိတ်ထားလိုက်ကြတယ်။
နောက်အီလိအုပ်စုကလည်း ‘ရာထူး’၊ ‘အာဏာ’၊ ‘ရပိုင်ခွင့်’ ဆိုတဲ့ စကားလုံးကြီးတွေ ဆွဲထားပေးလိုက်တယ်။

အဲဒီမှာ လူတွေဟာ ဟိုဘက်ဒီဘက် ပြေးသွားကြလိုက်တာ ဘက်တွေကွဲသွားကြတယ်။

ဘယ်အီလိကတော့ ဖြောင့်မတ်တယ်
ဘယ်အီလိကတော့ ယုတ်မာတယ်ဆိုတဲ့ ကိုယ်ပိုင်ခံယူချက် ကိုယ်ပိုင်အတွေးတွေနဲ့
ဟိုဘက်ဒီဘက်ကွဲသွားပြီး ယုံကြည်ချက် ဆိုတဲ့ စာလုံးကြီးကိုထမ်းပိုးလို့ အချင်းချင်း သတ်ဖြတ်ကြတော့တယ်။

(ဆက်ဖတ်ရန်…)

အဟောင်းလေးတွေဖတ်ချင်ရင်.. »

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

ယောက် စာဖတ်နေပါတယ်

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

web site hit counter