♫ ♥●••·˙ထွက်ရှိပြီးသော စာအုပ်အချို့˙·••●♥♫
မိုင်တိုင်၂၀
20.jpg
11.jpg လမင်းရှိုက်သံ
 moon1.jpg
11.jpg မိတော
mitaw2.jpg
moon2.jpg သက်တံ ၁၀စင်း
rainbow.jpg
yellowflowersfront.jpg

♫ ♥●••·˙My story telling is reshaped by your attentive imagination˙·••●♥♫

April 6, 2014

မိတောနှင့် အနီရောင်လန်ဘာဂီနီ

Filed under: မိတော, ၀တ္ထု (Novels) — အိမ့်ချမ်းမြေ့ @ 12:08 am

 red-lamborghini-veneno.jpg

မိတောသည် ဂျူနီယာတောအတွက် ဂျင်းပန်အဝယ်ထွက်လေသည်။ ကုန်တိုက်ကြီးများတွင် ဈေးဝယ်ထွက်ရသည်ကို ငယ်စဉ်ကပင် စိတ်မပါသော မိတောသည်၊ ကုန်တိုက်ထဲမှ ရေမွှေးနံ့၊ လူနံ့၊ ကုန်ပစ္စည်းများရနံ့များကို ဘယ်နိုင်ငံရောက်ရောက်၊ ဘယ်လောက်မွှေးမွှေး၊ မနှစ်သက်သူဖြစ်သော်ငြားလည်း ဂျူနီယာတော၏ ဂျင်းပန်များ ဒူးခေါင်းမှ ပြဲနေပြီဖြစ်သဖြင့် မဝယ်မဖြစ် ဈေးဝယ်ထွက်ရခြင်းပင်။

ဂျူနီယာတောသည် ဘောင်းဘီကို ဂျင်းပန်သာ ဝတ်လေသည်။ မိခင်ခြေရာနင်းသလားမသိ။ ငယ်စဉ်ကတည်းက ဂျင်းဘောင်းဘီလက်နှိုက်ပြီး ပလက်ဖောင်းဘေး လျှောက်ရသည်ကို အဟုတ်ကြီးထင်ခဲ့မိတောမှာ၊ ဂျူနီယာတောနှင့်မှ ဝဋ်လိုက်လေပြီ။

“တစ်ခြားဘောင်းဘီတွေလည်း ဝတ်ပါဦး သမီးရယ်၊ ဂျင်းပန်ချည်းပဲ ချဝတ်ပစ်တာ၊ ရှိသမျှဂျင်းတွေလည်း ဒူးက ပေါက်ကုန်ပြီ”
“ဟင့်အင်း…. ဂျင်းပန်ပဲကြိုက်တယ်၊ နောက်ပြီး skinny jeans ပဲ ကြိုက်တယ်”
“အမလေးတော်၊ ဂျင်းပန်တောင်မှ ခြေသလုံးမှာ ကြပ်နေတဲ့ ဂျင်းကိုမှ ကြိုက်ရသလား၊ ဒူးခေါင်းတွေမှာ အကုန်ပေါက်နေတာ ကြပ်လွန်းလို့ဖြစ်ရမယ်။ ဂျင်းပန်တွေချည်းပဲ ဝယ်မပေးနိုင်တော့ဘူး။ တစ်ခြားဘောင်းဘီတွေပဲ ဝယ်ပေးနိုင်တော့မယ်၊ ဂျင်းပန်ဝယ်ဖြစ်ရင်လည်း ခပ်ပွပွဂျင်းတွေပဲ ဝယ်ပေးတော့မယ်”
“မကြိုက်ဘူး၊ ခပ်ပွပွဂျင်းတွေ မဝတ်ချင်ဘူး”
“စိတ်ညစ်လိုက်တာနော်….. မင်းကိုယ်မင်း အပျိုများထင်နေလား… ဟင်”
“အပျိုဆိုတာ ဘာလဲဟင် မေမေ”

(ဆက်ဖတ်ရန်…)

March 30, 2014

ဧပြီလ ၁၅ ရက် - လငပုပ်ဖမ်းခြင်း

Filed under: နက္ခတ်တ္တဗေဒ (Astronomy) — အိမ့်ချမ်းမြေ့ @ 10:56 pm

ဧပြီလ ၁၅ ရက် ၂၀၁၄ မှာ လငပုတ်ဖမ်းပါမယ်။
မြန်မာပြည်က မမြင်ရပေမယ့် အခြားနိုင်ငံများမှ စိတ်ဝင်စားသူ မြန်မာများ ကြည့်နိုင်ရန် မြေပုံလေးပါ ထည့်သွင်းထားပါတယ်။

(ဆက်ဖတ်ရန်…)

March 29, 2014

ကန်ရာသီဖွား အမျိုးသမီးများ (Virgo - သြဂုတ် ၂၃ မှ စက်တင်ဘာ ၂၂)

Filed under: astrology — အိမ့်ချမ်းမြေ့ @ 12:45 am

 virgo.jpgလက်တွေ့ကျတယ်၊ ရိုးရိုးသားသားနေတယ်၊ ဥာဏ်ရည်မြင့်တယ်၊ ကူညီတတ်၊ နှစ်လိုဘွယ်ကောင်းတယ်၊ အမြင်စူးရှတယ်၊ အားကိုးလို့ရတယ်၊ ဟသဥာဏ်ရွှင်တယ်၊ တာဝန်ကျေတယ်၊ အရာရာကို အကောင်းဆုံးဖြစ်စေချင်တယ်၊ အဲဒါတွေကတော့ ကန်ရာသီဖွား မိန်းကလေးတွေရဲ့ သဘာဝပါ။

ဒါပေမယ့် သူတို့တွေဟာ တာဝန်ကျေလွန်းပြီး အရာရာကို အကောင်းဆုံးဖြစ်စေချင်တာကြောင့် စိတ်လှုပ်ရှား ပြီး စိတ်တိုတတ်တာတွေလည်း ရှိတယ်လို့ ဆိုပါတယ်။ ဒါကြောင့် သူတို့အနေနဲ့က တစ်စုံတစ်ခုမှာပဲ အာရုံစူးစိုက်ဖို့၊ အာရုံမများဖို့ အကြံပေးကြပါတယ်။
ကန်ရာသီဖွားအမျိုးသမီးများရဲ့ အကောင်းဆုံးပိုင်ဆိုင်မှုတွေဟာ ဘာတွေလဲဆိုရင် မှတ်ဥာဏ်ကောင်းမှု၊ အကင်းပါးပြီး ဥာဏ်ရည်ဥာဏ်သွေးရှိမှု၊ ခွဲခြမ်းစိတ်ဖြာတတ်မှုတွေပဲ ဖြစ်ပါတယ်တဲ့။ ဆုံးဖြတ်ချက်တစ်ခုခု မချရခင်မှာလည်း သေချာတွေးတောပြီးမှ ဆုံးဖြတ်ချက်ချတတ်တယ်လို့ ဆိုပါတယ်။
သူတို့ရဲ့ အပြင်ပန်းကိုကြည့်မယ်ဆိုရင် စိတ်ဓာတ်မာ (strong-minded) တဲ့ သဘောရှိပေမယ့် တစ်ကယ်ကတော့ emotional ဖြစ်တတ်ကြတယ်လို့ ဆိုပါတယ်။ အရာရာမှာ ခွဲခြမ်းစိတ်ဖြာ အပြစ်အနာ ရှာတတ်တဲ့ သဘောရှိတာတွေလည်း ရှိပေမယ့် သူတို့ဟာ သူများကိုချည်းပဲ ခွဲခြမ်းစိတ်ဖြာ အပြစ်အနာရှာတာမျိုးမဟုတ်ဘဲ၊ မိမိကိုယ်ကိုလည်း လေ့လာသုံးသပ်အမြဲခွဲခြမ်းစိတ်ဖြာလို့ အပြစ်ရှာ တတ်သူများလည်း ဖြစ်တယ်။

(ဆက်ဖတ်ရန်…)

March 22, 2014

စိန်ပွင့်နဲ့ ပဲကြီးလှော် လဲမစားမိစေဖို့…

Filed under: ဆောင်းပါး, စာစု — အိမ့်ချမ်းမြေ့ @ 12:32 am

 moneytree.jpg

 ဒီကနေ့ ကတော့ မင်္ဂလာရှိတဲ့ နေ့လေးပါပဲ။ ဆရာဦးသန်းမြင့်ဦး page ကနေတဆင့် ဖတ်လိုက်ရတဲ့ သတင်းလေးတစ်ခုပါ။ မြန်မာ့သစ် (raw timber logs) တွေကို ဧပြီလ ၁ရက်နေ့မှစပြီး တင်ပို့ခွင့်တွေကို ကန့်သတ်တားဆီးတော့မယ့် သတင်းပါပဲ။

 

ဟိုတစ်လောက မြန်မာ့သနပ်ခါးထုတ်လုပ်မှုနည်းတစ်မျိုးကို ဂျပန်ကမူပိုင်ခွင့်တင်တဲ့ ကိစ္စနဲ့ဆက်နွယ်ပြီး ဆောင်းပါးတစ်ပုဒ် ရေးခဲ့ပါတယ်။ Paclitaxel အတွက် မြန်မာ့ကျောက်ထင်းရူးတွေကို တရုတ်တွေကတဆင့်၊ အနောက်နိုင်ငံတွေမှ pharmaceutical giants ကြီးတွေဟာ တရုတ်သစ်ကုမ္ပဏီတွေမှ တရားဝင်ဝယ်ယူတဲ့ ကိစ္စပါ။

သစ်တွေကို မြန်မာပြည်တွင်းကနေ ခုတ်ထွင်ရောင်းချခဲ့ကြတာ ကြာပါပြီ။ ရွှေထက်အဆ ၄၀ တန်ဘိုးရှိတဲ့ ပစ္စည်းထွက်တဲ့ ထင်းရူးပင်တွေဟာ ထင်းဈေးနဲ့နိုင်ငံခြားကို အရောင်းခံခဲ့ရတဲ့ ကိစ္စဟာ တစ်ကယ်တော့ ရင်နာစရာအဖြစ်ပါ။ Paclitaxel ဆိုတာ ကုန်ကြမ်းအဆင့်ပဲ ရှိသေးတဲ့ ဓာတ်တစ်မျိုးပါ။ ဆေးဝါးအဆင့်ရောက်ရင် ရွှေထက်အဆ ၄၀၀ လောက်ထိ ဈေးရှိပါတယ်.အဲဒီအတွက် တိုင်းပြည်က တန်ရာတန်ကြေးရတယ်ဆိုခဲ့ရင် ကျမ မပြောပါဘူး။

ဆရာဦးသန့်မြင့်ဦးရဲ့ ပိုစ်အောက်မှာလည်း တစ်ယောက်က ကော့မန့်ပေးသွားပါတယ်။ ကျွန်းသစ်တွေ ဒီလောက်ထွက်တဲ့ တိုင်းပြည်မှာ ကမ္ဘာ့အရှည်ဆုံး ကျွန်းတံတားရယ်လို့ ကမ္ဘာအနှံ့က ခရီးသွားတွေ လာကြည့်ရတဲ့ ဦးပိန်တံတားကတော့ ခနော်ခနဲ့ ဖြစ်နေရတဲ့အဖြစ်မျိုးကလည်း  မသင့်တော်လှပါဘူး။

(ဆက်ဖတ်ရန်…)

March 20, 2014

အရောင်ဖြင့် ဖော်ကျူးအပ်သော….

Filed under: ပန်းချီ (Paintings) — အိမ့်ချမ်းမြေ့ @ 5:28 pm

ခုတစ်လော….
ဆွဲဖြစ်တာလေးတွေပါ….
♫ ♥●••·˙˙·••●♥♫

အနုပညာသမားလို့ ကိုယ့်ကိုကိုယ်တော့ တံဆိပ်မတပ်ဝံ့ပါဘူး…

ခုလို စာရေးနေတာ ပုံတွေဆွဲနေတာ ကဗျာတွေ စပ်နေတာကို….
ပင်ပန်းခက်ခဲတဲ့ အလုပ်တွေ….. ခွန်အားကုန်တဲ့ အလုပ်တွေလို့ ထင်မိတဲ့သူတွေ ရှိနိုင်ပေမယ့်….

ကျမအတွက်ကတော့ စာမရေး ကဗျာမစပ်၊ ပုံမဆွဲဖြစ်တဲ့ နေ့တွေဟာ………..
သွားမတိုက်မိတဲ့ နေ့တွေ…
ရေမချိုးထားမိတဲ့ နေ့တွေလို…
ဟို….
ဝက်ခြံ မှည်နေသော်လည်း… ဝက်ခြံမညှစ်ရသလိုမျိုး….
(ဘယ်လို ဥပမာ ပေးရမှန်းမသိလို့ကွယ်…)

What I’m trying to say is it comes naturally - so natural that it’s like having a bath or brushing your teeth… :D

အဲသလို ခံစားနေရတတ်တယ်…..လို့ …
ဆိုလိုတာပါ…

ဒါတွေကို…..
အနုပညာအားကောင်းသူတွေကတော့ ခံစားတတ်မိမှာ…..

tree.jpg

 

ဒီပုံလေးကတော့ ဆရာညီညီအောင်ရဲ့ ဓာတ်ပုံလေးကို ပြန်ဆွဲထားတာပါ….
documentary တစ်ခုကြည့်ရင်း လက်ဘက်ရည်တစ်ခွက်နဲ့ နာရီဝက်ပဲ ကြာပါတယ်…။

tree2.jpg

(ဆက်ဖတ်ရန်…)

March 17, 2014

မိတော နှင့် တောင်သမန်အင်း ဇာတ်လမ်း

Filed under: မိတော, ပြုံးစရာ, ၀တ္ထု (Novels) — အိမ့်ချမ်းမြေ့ @ 12:30 am

 hand.jpg

 နွေဦးပေါက်သည်နှင့် မက္ကဆီကိုဘက်မှ ဌက်များ ကနေဒါဘက်သို့ ပြန်လည်ပျံသန်းလာသကဲ့သို့၊ မိတော၏ မိခင်ကြီးသည်လည်း မြန်မာပြည်မှ ကနေဒါသို့ ပြန်လာပြီဖြစ်သောကြောင့် အလွန်အမင်းပျော်နေမိလေသည်။

 

မိခင်ကြီးနှင့်အတူပါလာသော ချဉ်ပေါင်ကြော်၊ ဘာလချောင်ကြော်၊ ငါးသလဲထိုးကြော် စသော… လျှာပေါ်တွင် နတ်သုဒ္ဓါတမျှ အရသာရှိလှလေသော မြန်မာအစားအစာများကိုလည်း စားရတော့မည်ဖြစ်သောကြောင့် စိတ်လှုပ်ရှားနေခြင်းလည်းဖြစ်သည်။

 

မိခင်ကြီးထံမှ မိတော အလွန်နှစ်သက်သော မယ်ဇင်ပင်စေ့ (သို့မဟုတ်) မဉ္ဇူသကနတ်ပန်းပင်မှ ရသော အစေ့ကလေးများဖြင့် ပြုလုပ်အပ်သော ပိုက်ဆံအိတ်ကလေးများ၊ လက်ကောက်ပျော့လေးများနှင့် သော့ချိတ်ကလေးများကိုလည်း မြတ်နိုးရင်ခုန်စိတ်လှုပ်ရှားကာ မထိရက်မကိုင်ရက်အောင် ဖြစ်နေမိလေသည်။

မိခင်ကြီးသည်လည်း “မိတော၏ ရှတတနေ့စွဲများ” စာအုပ်များကိုလည်း မည်သို့မည်ပုံ လက်မှတ်ထိုးကာ လူအများကို အလှူပေးလိုက်ကြောင်းကိုလည်း ကြားသိရလေသည်။

“မေမေက စာအုပ် အုပ် ၃၀ ကို အကုန်ပေးပစ်လိုက်တာလား”

“အင်း…. အိမ့်ချမ်းမြေ့ ကိုယ်စား… ဆိုပြီး လက်မှတ်တွေ ထိုးထိုးပြီး လက်ဆောင်ပေးပစ်လိုက်တာပဲ”

“နည်းနည်းလေးတောင် ရောင်းမကြည့်ဘူးလားဟင်”

မိတော မရဲတရဲလေး မေးမိလေသည်။

“သူတို့က ဝယ်ချင်တာ။ ဝယ်မယ်လည်းပြောတယ်၊ ဒါပေမယ့် မေမေက လက်ဆောင်ပေးပစ်လိုက်တာလေ”

“အွမ်….”

(ဆက်ဖတ်ရန်…)

March 13, 2014

ကမ္ဘာ့ဆွဲအားရဲ့ မျက်မြင်မရတဲ့ကြိုး

Filed under: my notes, အတွေးအမြင်, Vancouver, Canada, စာစု — အိမ့်ချမ်းမြေ့ @ 1:22 am

 stone4.jpgဆောင်းကုန်တော့မယ်…။

နွေဦးရောက်လို့ အအေးဓာတ်လျော့သွားတာနဲ့ ပင်လယ်ပြင်ဘက်ကို ကျမ ခြေဦးလှည့်ဖြစ်တော့တယ်။

 

ပူနွေးလာနေတဲ့ နွေဦးရာသီ မဆိုထားနဲ့၊ ဆီးနှင်းတွေ တဖွဲဖွဲကျနေတာတောင်မှ ပင်လယ်ပြင်ကို ကျမက မျှော်ငေးတတ်သေးတာ။

ဆီးနှင်းတွေ ပင်လယ်ထဲကို ကျတာ မြင်ဖူးကြပါသလား။ အဆုပ်လိုက်အခဲလိုက် ရေခဲပန်းပွင့်တွေဟာ တဝုန်းဝုန်းရိုက်ခတ်နေတဲ့ ပင်လယ်ရေထဲကို ကျသွားပြီဆိုတာနဲ့ ပင်လယ်ပြင်က သိမ်းပိုက်ပွေ့ဖက်ပစ်လိုက်တာမျိုး။ နောက်…. ဆီးနှင်းပန်းပွင့်တို့က ပင်လယ်ပြင်ရဲ့ ရင်ခွင်ထဲ စုပ်စမြုပ်စ ပျောက်ကွယ်သွားတာမျိုး….။

သိပ်လှတဲ့ ရှုခင်းတွေပဲပေါ့…။

အဲသလို… အေးခဲတဲ့ဆောင်းရာသီတွေမှာတောင် ပင်လယ်ဘက်ရောက်တတ်တဲ့ ကျမ…
နွေဦးရောက်တော့မှာမို့ ကမ်းခြေဘက် ရောက်ခဲ့ရပြန်တာပေါ့။

(ဆက်ဖတ်ရန်…)

March 9, 2014

စွန်းထင်းသွားလေတော့…

Filed under: my notes, အတွေးအမြင် — အိမ့်ချမ်းမြေ့ @ 11:51 pm

window.jpg

ဒီကနေ့က နေက သာနေတယ်…။

အပြင်မှာ လေတွေကတော့ တိုက်နေတယ်..။

 

ပိတ်ခါနီးမို့ လူရှင်းပြီး ငြိမ်သက်လာနေတဲ့ ဆိုင်လေးထဲက ထောင့်ခုံလေးတစ်လုံးပေါ်မှာ….

 

တိတ်တိတ်ကလေးပေါ့…
ကျမ စာဖတ်နေခဲ့တယ်။

 နားက နားကြပ်ထဲကလည်း ဆရာထီးရဲ့ “စဉ်းစားပါဦး” သီချင်းလေးက ထပ်ခါတလဲလဲ…။

 

ကျမဖတ်နေတဲ့ စာအုပ်လေးထဲက စာပိုဒ်လေးတစ်ပိုဒ်က ကျမကို ရှက်သွေးဖြန်းသွားစေခဲ့တယ်။

(ဆက်ဖတ်ရန်…)

March 2, 2014

အလုပ်ဟူသမျှ (၂)

Filed under: ၀တ္ထု (Novels) — အိမ့်ချမ်းမြေ့ @ 2:18 am

ဒီစာကိုဖတ်တဲ့အခါမှာ မြန်မာပြည်တွင်းမှာ မွေးဖွားကြီးပြင်းလာတဲ့ မြန်မာတွေအနေနဲ့ပဲ ဖတ်စေချင်ပါတယ်။ မိမိရောက်နေတဲ့ တိုင်းပြည်ကို ကိုယ်စားပြုတဲ့ စိတ်ခံစားချက်တွေနဲ့ မဖတ်ဖို့ မေတ္တာရပ်ခံလိုပါတယ်။ ကိုယ်ကတော့ ထိုင်းကမြန်မာ၊ ကိုယ်ကတော့ အမေရိကန်မှမြန်မာ၊ ကိုယ်ကတော့ စကာပူမှမြန်မာ၊ ကိုယ်ကတော့ မလေးရှားမှမြန်မာ၊ ကိုယ်ကတော့ ဩစတြေးလျမှ မြန်မာ၊ ဟောင်ကောင်မြန်မာ၊ ဗီယက်နမ်မြန်မာ၊ ထိုင်ဝမ်မြန်မာ… ဆိုတဲ့စိတ်တွေနဲ့ ဒီစာကို ဖတ်မယ်ဆိုရင်တော့ အစကတည်းက မဖတ်ဖို့ တိုက်တွန်းလိုပါတယ်။

ဖရန်စစ်စကာ ဟာရာဒူရာ။

မနီလာယူနီဗာစတီမှ Bachelor of Science in Commerce with a Major in Statistics & management Accounting ဘွဲ့ရထားတဲ့ “ဖရန်စစ်စကာ ဟာရာဒူရာ”…. ညီအစ်ကိုမောင်နှမ ၉ ယောက်ရှိပြီး၊ အငယ်ဆုံးဖြစ်တယ်။ သူမဟာ မောင်နှမတွေထဲမှာ အငယ်ဆုံးဖြစ်သော်လည်း ပညာအတတ်ဆုံးဖြစ်တဲ့အတွက် သူမအပေါ်မှာ အားလုံးက မှီခိုနေကြရကြောင်း၊ မိဘမောင်ဘွားတွေကလည်း သူမကို အားကိုးကြောင်း၊ အိမ်မှာ ထမင်းတောင် မချက်ခဲ့ရကြောင်း၊ သို့သော်…. ပညာတွေသာတတ်ပေမယ့်လည်း နိုင်ငံခြားမှာအလုပ်ထွက်လုပ်ချင်လို့ အိမ်ဖော်အလုပ်နဲ့ထွက်လာရကြောင်း၊ အစ်မတွေ အစ်ကိုတွေဟာ အိမ်ထောင်ရက်သားတွေ ကျနေကြပြီဖြစ်ပေမယ့်လည်း သူမ ပို့မယ့်ငွေကိုပဲ မျှော်လင့်နေကြကြောင်း ဆိုတယ်။ မောင်နှမသားချင်းတွေရဲ့ အိမ်ထောင်ရေးတွေကလည်း အဆင်မပြေကြတော့ သူမဟာ အိမ်ထောင်ရေးတွေကို ကြောက်လွန်းလို့ တစ်ယောက်တည်းပဲ နေသွားဖို့ရှိတယ်ဆိုတဲ့အကြောင်းတွေကို ကျမ သိခဲ့ရတယ်။

သူမဟာ အလုပ်ချိန်ပြီးသွားတဲ့အခါတွေမှာလည်း အခန်းအောင်းပြီး စာဖတ်တတ်တယ်။ အိမ်ကစာအုပ်စင်ပေါ်မှာရှိတဲ့ စာရင်းအင်းနဲ့ဆိုင်တဲ့စာအုပ်တွေ ပျောက်နေလို့ ကျမ ရှာခဲ့ဖူးတယ်။ နောက်တော့မှ အဲဒီစာအုပ်တွေဟာ သူမအခန်းထဲမှာ ရောက်နေခဲ့တာဖြစ်ကြောင်းပြောပြီး သူက ထုတ်လာပေးတယ်။ ကျမကလည်း စာအုပ်စင်မှာရှိတဲ့စာအုပ်တွေ ကြိုက်တာယူဖတ်ခွင့်ပြုထားတာမို့ ဖတ်ပြီးရင်တော့ ပြန်ထားလို့ပဲ ပြောဖြစ်တယ်။ သူမဟာ ပန်းချီသမားတစ်ဦးလည်းဖြစ်တယ်။ ရေဆေးပန်းချီ၊ ဆီဆေးပန်းချီတွေကို ပရိုဖက်ရှင်နယ်တစ်ယောက်လို ဆွဲနိုင်သူဖြစ်တယ်။ ဖရန်စစ်စကာဟာ ဒူဘိုင်းမှ သူ့အလုပ်ရှင်ဟာ သူ့အပေါ်မှာ အလွန်ကောင်းမွန်ကြောင်းကို ပြောပြတယ်။ ဒါပေမယ့် သူမက ကနေဒါမှာ နေထိုင်လိုတဲ့အတွက် ဒီဘက်ကို ထွက်လာတာဖြစ်တယ်လို့ဆိုတယ်။ ဒူဘိုင်းဟာ သူ့အတွက် stepping stone ဖြစ်တယ်လို့ သူက ဆိုပါတယ်။

(ဆက်ဖတ်ရန်…)

February 28, 2014

အလုပ်ဟူသမျှ….

Filed under: ဆောင်းပါး, စာစု — အိမ့်ချမ်းမြေ့ @ 1:38 am

မြန်မာပြည်ဟာ ဆင်းရဲတယ်။ မှန်ပါတယ်၊ ကျမတို့ ဆင်းရဲတယ်။ ကမ္ဘာ့အလယ်မှာ မျက်နှာမွဲတွေဖြစ်တယ်။ ဒါပေမယ့် ဝမ်းရေးကိုဖြေရှင်းဖို့အတွက် အစုလိုက်အပြုံလိုက် အခြားတိုင်းပြည်တွေမှာ အိမ်ဖော်တွေအနေနဲ့ သွားရောက်ပြီး လုပ်ကိုင်ရှာဖွေစားသောက်ရလောင်အောင်ကို အခြေအနေဆိုးနေပြီလား။

(ဆက်ဖတ်ရန်…)

February 7, 2014

တန်ဘိုးထားတတ်ပါမှ…

Filed under: ဆောင်းပါး — အိမ့်ချမ်းမြေ့ @ 12:59 am

 tree3.jpgအခုတစ်လော မြန်မာ့ သနပ်ခါးကို ဂျပန်ရှိ Patent ကွန်ဗင်းရှင်းမှာ Patent Law မူပိုင်ခွင့် တင်သွားတဲ့ ကိစ္စနဲ့ပတ်သက်ပြီးတော့ ကျမထံကို စာပို့လာကြသော သူတွေရှိပါတယ်။ အဲဒီကိစ္စနဲ့ပတ်သက်ပြီး ရေးစေချင်ကြလို့ ဖြစ်ပါတယ်။ Patent Law တွေက အလွန်ရှုပ်ထွေးတဲ့အပြင် ကျမထက် အဆပေါင်းများစွာ ကျွမ်းကျင်တဲ့သူတွေရှိတဲ့အတွက် ဒီကိစ္စနဲ့ပတ်သက်ပြီး အကျယ်တဝင့် မပြောလိုပါဘူး။ သနပ်ခါးထဲက ပါဝင်ပစ္စည်းတစ်ခုခုကို patent လုပ်သွားတာလား၊ process ကို patent လုပ်သွားတာလား၊ စသည်ကို အတိအကျမသိတဲ့အတွက်လည်း ဘာမှတ်ချက်မှ မပေးလိုပါဘူး။

သနပ်ခါးထဲမှာ ပါတဲ့ ဓာတ်တစ်ခုခုကို လူအများအကျိုးရှိမယ့် ပစ္စည်းတစ်ခုခုထုတ်ဖို့ patent လုပ်ထားတာလား၊ အဲသလို အဖိုးတန်တဲ့ မြန်မာ့သနပ်ခါးကို ရောင်းအားသွက်စေခြင်းဖြင့် မြန်မာပြည်အတွက် ပိုအကျိုးရှိစေမလား စသည်ကိုလည်း ထည့်တွက်ရမှာဖြစ်ပါတယ်။
ကျမတို့တိုင်းပြည်ထဲမှ လူအများစု သိတာက မြန်မာ့ ကျွန်းသစ်၊ ပတ္တမြား၊ သနပ်ခါးလောက်ပဲလို့ ဆိုလို့ရတယ်။ တစ်ကယ်ကတော့ မြန်မာပြည်တွင်းက ထွက်သမျှအပင်တိုင်း၊ ရှိသမျှ သတ္တဝါတိုင်းဟာ တန်ဘိုးအလွန်ရှိပါတယ်။ အဲသလိုတန်ဘိုးရှိလှတဲ့ သံယံဇာတပစ္စည်းတွေကိုလည်း ဝိုင်းပြီးအမဲဖျက်ခံနေရတာက ကြာခဲ့ပါပြီ။

ဒီနေရာမှာ ကိုယ်တွေ့တစ်ခုကိုပဲ ပြောချင်ပါတယ်။

Cancer Chemotherapy မှာ ထည့်သုံးတဲ့ Paclitaxel ဆိုတဲ့ mitotic inhibitor ဆေးဝါးတစ်မျိုး ရှိပါတယ်။ အဲဒီ Paclitaxel ဟာ Yew လို့ခေါ်တဲ့ ထင်းရူးပင်တစ်မျိုးရဲ့ အခေါက်ကနေ ထုတ်ဖော်ရရှိတာ ဖြစ်တယ်။ အဲဒီထုတ်နည်းကိုလည်း Research Triangle Institute မှ လူတွေက ရှာဖွေတွေ့ရှိခဲ့တာပါ။

လိုတိုရှင်းနဲ့ လူအများစုနားလည်အောင် (မပျင်းရိအောင်) ပြောရမယ်ဆိုရင်တော့ အနောက်နိုင်ငံသားတွေဟာ၊ အဲဒီထင်းရူးပင်တွေကို ခုတ်ထွင်ပြီး ဆေးဖော်ကြတယ်။ ခုတ်ထွင်လွန်းလာတဲ့အခါမှာ အမေရိကန်၊ ကနေဒါ တိုင်းပြည်များဟာ သူတို့တိုင်းပြည်မှသစ်တောတွေ ပြုန်းတီးကုန်မှာစိုးလို့ သစ်ခုတ်ခွင့်တွေရုတ်သိမ်းလိုက်တယ်။ အဲဒီတော့ အဲသလိုသစ်ပင်တွေ ရနိုင်မယ့် တရုတ်ပြည်ထိ ခြေဆန့်လာကြတယ်။ တရုတ်ပြည်ကလည်း သူတို့တိုင်းပြည်မှသစ်တောတွေ ပြုန်းတီးမှာကြောက်တော့ သစ်ခုတ်ခွင့်တွေ ပိတ်ပင်ပြန်တယ်။ အဲဒီတော့ pharmaceutical giant ကြီးတွေဆီကို Yew သစ်ပင်တွေ ရောင်းချင်တဲ့ တရုတ်စီးပွားရေးသမားတွေဟာ ဘယ်တိုင်းပြည်ကို ခြေဦးလှည့်တယ် ထင်ပါသလဲ။

(ဆက်ဖတ်ရန်…)

February 1, 2014

နှလုံးသားဂိမ်းများ၏အဆုံးဝယ်

Filed under: Gamer မဂ္ဂဇင်း, ၀တ္ထု (Novels) — အိမ့်ချမ်းမြေ့ @ 12:38 pm

 

feb2014novel.jpg

 

အအေးဆိုင်ကလေးရှေ့ မြေကွက်လေးပေါ်ရှိ သစ်ရွက်ကြွေလေးများက မြေပြင်ပေါ်တွင် ခပ်တိုးတိုးလျှပ်တိုက်၍ ပြေးလွှားသွားကြလေသည်။ အအေးခွက်ကလေးများကဖြင့် ငြိမ်သက်တိတ်ဆိတ်လို့။ အဝေးကို လှမ်းမျှော်ငေးရင်း မျက်နှာငယ်နေသော ‘ငပေါက်’ ကို ‘မြိုင်’ စိုက်ကြည့်နေမိသည်။

“ဘာဖြစ်နေတာလဲ ငပေါက်၊ ဘယ်တစ်ယောက်နဲ့ အဆင်မပြေပြန်ဘူးလဲ”
ငပေါက် ဘာမှ ပြန်မဖြေ။

“ဖားအံက ငယ် နဲ့လား”
ငပေါက် ခေါင်းခါသည်။

“တောင်ကြီးက မမမိုး”
ပေါက် နှုတ်ခမ်းကို မထီတရီဖြင့် ရွဲ့ပြသည်။

“မုံရွာက ချိုလေး လား”
ငပေါက် သက်ပြင်းချသည်။

“မိန်းမတွေနဲ့ ငါ.. အဆင်မပြေဘူးဆိုတာ ဘယ်တုန်းကရှိဖူးလို့လဲ မြိုင်.. ရာ”

“နင့်မလဲ ဘယ်လိုများ လှည့်ပတ်အချိန်ပေးနိုင်လဲ မသိဘူး”

ထိုအချိန်တွင် ငပေါက်ရှေ့မှ ဖုန်းကလေးက တုန်ခါလာလေသည်။

“Excuse me နော်” ဟု ဆိုကာ ဖုန်းကလေးကို လှမ်းကိုင်လိုက်သည်။ ပြောမနာ ဆိုမနာ သူငယ်ချင်းတွေပေမယ့် ယခုလိုအခါများတွင်တော့ ယဉ်ကျေးသိမ်မွေ့တတ်သေးသော ငပေါက်။

“ဟလို…. ချစ်၊ ပြော၊ အင်း… ကိုယ် သူငယ်ချင်းတစ်ယောက်နဲ့ အအေးဆိုင်မှာ၊ ခဏနေ ပြန်ခေါ်လိုက်မယ်နော်၊ အင်းအင်း… မစ်ယူ၊ မွမွ၊ ဂရုစိုက်နော်၊ ဟေ့…. နေဦး၊ လဗ်ယူ.. အဟက်”
ငပေါက် .. ဖုန်းချလိုက်ပြီး စားပွဲပေါ်တင်ရုံရှိသေး၊ ဖုန်းကလေးက ထပ်မြည်လာပြန်သည်။

“အိပ်စ်ကျူ့မီ အဂန်း”

(ဆက်ဖတ်ရန်…)

January 29, 2014

မိတောနှင့် သွေးလှူခြင်း

Filed under: မိတော, ပြုံးစရာ — အိမ့်ချမ်းမြေ့ @ 1:18 am

မိတောသည် ယခုနှစ်မွေးနေ့ရက်တွင် မိသားစု၊ သူငယ်ချင်းမိတ်ဆွေများ၏ ဂရုစိုက်မှုကို ခံရသဖြင့် ကျေနပ်ပျော်ရွှင်နေလေသည်။ ရုံးတွင် မွေးနေ့ပွဲများကို ကျင်းပလေ့ရှိသော်လည်း မိတောတို့ဌာနတွင် မွေးနေ့ပွဲများ မကျင်းပကြသည်မှာ ကြာပြီဖြစ်လေသည်။ မကျင်းပရခြင်းအကြောင်းမှာ မိမိတို့ကိုယ်မိမိတို့ အသက်ကြီးလာကြပြီဟုယူဆမိကာ ကျင်းပလိုစိတ်မရှိကြတော့၍ဟု တိုတိုတုပ်တုပ်ဆိုရအံ့။

လွန်ခဲ့သောနှစ်များတွင်မတော့ တစ်စုံတစ်ယောက်၏မွေးနေ့ရက်ရောက်ပြီဆိုလျှင် ရုံးသို့ လှလှပပပြင်ပြင်ဆင်လာကြပြီး၊ မွေးနေ့ပွဲများကိုလည်း တခမ်းတနား ပျော်ရွှင်စွာကျင်းပလေ့ ရှိကြသည်။ မိမိမွေးနေ့ကို ချစ်ခင်သူများက သတိမရကြလျှင် ဘဝကြီးတစ်ခုလုံးပြီးဆုံးတော့မလို ဝမ်းနည်းတတ်ကြသေး၏။ အသက်သုံးဆယ်နား ကပ်လာကြသည့်အခါတွင်မတော့ မွေးနေ့ပွဲကျင်းပရန် စိတ်သိပ်မပါကြတော့။

ထိုသို့စိတ်သိပ်မပါကြသော်လည်း မွေးနေ့ပွဲများကိုတော့ ကျင်းပနေကြဆဲ။ သုံးဆယ်ကျော်လာကြသည့်အခါတွင်မတော့ မိမိမွေးနေ့ကို သတိမရကြလျှင်လည်း ဘာမှသိပ်မဖြစ်ကြတော့။ တစ်စုံတစ်ယောက်က သတိရပြီး ကျင်းပပေးလျှင်လည်း စိတ်မပါ့တပါဖြင့် ကျင်းပဖြစ်ကြသေးသည်။ သုံးဆယ်နှောင်းပြီး လာချိန်ကာလများတွင်မတော့ မိမိမွေးနေ့ကို သတိရကြမည်ကိုပင် စိုးရိမ်လာကြတော့သည်။ မွေးနေ့ပွဲထက် အရေးကြီးသော အခြားကိစ္စများနှင့် လုံးချာလည် လိုက်နေကြရသည်လည်း ပါသည်။ အသက်ဘယ်လောက်ရှိပြီလဲဟု မေးခံရမည်ကိုလည်း စိုးရိမ်လာကြသည်လည်း ပါမည်။

(ဆက်ဖတ်ရန်…)

January 24, 2014

လူကြုံ

Filed under: Vancouver, Canada, ဆောင်းပါး, စာစု — အိမ့်ချမ်းမြေ့ @ 1:44 am
မိတောသည် မွေးနေ့မတိုင်မှတစ်ရက်၊ မွေးနေ့ရက်နှင့် မွေးနေ့ပြီးသည့်တစ်ရက်တိတိအထိ မိသားစု၊ မိတ်ဆွေ၊ ရုံးမှသူငယ်ချင်းများ ဖဘ/အွန်လိုင်းမှ သူငယ်ချင်းများကြောင့် အလွန်ပျော်ရွှင်နေသော မုဒ်ကို ပျောက်မည်စိုးသဖြင့် ဖဘပေါ်တွင် မိမိ ပေ့ခ်ျမှလွဲ၍ ဘယ်ပေ့ခ်ျကိုမှ မဖတ်ရန် အသက်ရှုအောင့်ပြီး နေနေခဲ့သော်လည်း……………………..ဆိုပြီး ဖဘမှာ အစချီရခြင်းအကြောင်းကတော့…

ဒီကနေ့…

သတင်းချစ်သူဝေဟင်ရဲ့ ရန်ကုန်လေဆိပ်မှာလူကြုံထည့်ပေးလိုက်ပါရစေဆိုပြီး ဆေးရွက်ကြီးတွေ ၀ှက်ပြီး ထည့်ပေးလိုက်တဲ့အကြောင်းကို ခံစားရေးဖွဲ့ထားတဲ့ facebooker  တစ်ဦးရဲ့ “စင်ကာပူသွားမည့်သူများ သတိထားပါ” ဆိုတဲ့ ပိုစ်လေးကို ဖတ်ရပါတယ်။ မူရင်းပိုစ်ကိုအရင်ဖတ်ရအောင် တင်ပေးလိုက်ပါတယ်။

ရန်ကုန်လေဆိပ်မှာ လူကြုံထည့်ပေးလိုက်ပါရစေဆိုပြီး လာ အကူအညီ တောင်း တဲ့လူတွေနဲ့ တွေ့ရင် အားနာမနေဘဲ ငြင်းလိုက်တာ ကိုယ့်အတွက် အန္တရာယ်အကင်းဆုံး ဖြစ်ပါလိမ့်မယ်။ကျွန်တော့် အသိတစ်ယောက် အားနာပြီး လမ်းကြုံ သယ်သွားပေးမိတာ ထည့်ပေးလိုက်တဲ့သူက လက်ဖက်တွေ၊ ငပိကြော်တွေလို့ ပြောပြီး ထည့်ပေးလိုက်ပေမယ့် စင်ကာပူလေဆိပ်ရောက်လို့ စစ်တော့မှ ဆေးရွက်ကြီးတွေ ၀ှက်ပြီး ထည့်ပေးလိုက်တာ သွားမိပါတယ်။

(ဆက်ဖတ်ရန်…)

January 7, 2014

မုန်းချင်တယ်ကွယ်.. မြသီလာရယ် (၆)

Filed under: ၀တ္ထု (Novels) — အိမ့်ချမ်းမြေ့ @ 10:59 pm

myathilarpic1.jpg

 

ကျွန်းကလေးဟာ လူသူနည်းတယ်။ တစ်နေရာနဲ့ တစ်နေရာလည်း ခြေလျှင်ပဲ သွားကြရတယ်။ သွားစရာနေရာကလည်း ဘာမှ မယ်မယ်ရရမရှိပါဘူး။ လူနေအိမ်ခြေ အနည်းငယ်ပဲ သောင်ပြင်နားမှာရှိတယ်။ တည်းရမယ့် အိမ်ကလေးကလည်း သောင်စပ်နဲ့ ခြေသုံးလေးလှမ်းအကွာလောက်ပဲ ရှိတယ်။ အိမ်ကလေးဆိုပေမယ့် ဘန်ဂလိုသာသာပါပဲ။ အိပ်ခန်း ၃ခန်း၊ ထမင်းစားခန်း။ မီးဖိုချောင် ရှိ-မရှိတောင် မမှတ်မိဘူး။ ထမင်း-ဟင်းတွေက တစ်နေရာရာမှာချက်ပြီး ယူလာပေးကြတယ်ထင်တယ်။ အိမ်ရှေ့ခန်းကတော့ အကျယ်ကြီးပဲ။ အိမ်က ဝင်ပေါက်ကြီး ၂ပေါက်ရှိတယ်။ တစ်ပေါက်က သောင်ပြင်ဘက်က ဝင်တဲ့အပေါက်နဲ့ နောက်တစ်ပေါက်က နောက်ဘက် လမ်းကနေ ဝင်တဲ့ အပေါက်။ အိမ်က အိမ်ရှေ့နှစ်ခုရှိပြီး အိမ်နောက်ဘက်ဆိုတာ မရှိတဲ့ အိမ်မျိုး။သောင်ပြင်စပ်မှာ တန်းစီဆောက်ထားတဲ့ အိမ်တိုင်းဟာ အဲသလိုပဲ။ အားလုံးက သောင်ပြင်ဘက်ကို မျက်နှာမူထားပေမယ့် နောက်ဘက်တွေမှာလည်း ဝင်ပေါက်ကျယ်ကြီးတွေ ရှိတယ်။ ပင်လယ်လေတွေဆိုတာ အိမ်ထဲအထိ တိုက်ခတ်တယ်။ ကိုကိုးကျွန်းဟာ တစ်နှစ်ပတ်လုံး အပူချိန် ၂၁ဒီဂရီစင်တီဂရိတ်အောက် မကျတာမို့ အမြဲနွေးနေတတ်တယ်။

ကျမတို့ ရောက်လာတဲ့အချိန်မှာ အိမ်ရှေ့ခန်းမှာ လူအပြည့်ပဲ။ အားလုံးကလည်း အလုပ်ရှုပ်နေကြသလိုပဲ။ လူတွေသိပ်များလာရင် နေရတာ စိတ်ကျဉ်းကျပ်သလိုဖြစ်လာတတ်တဲ့ ကျမ၊ သောင်ပြင်ကျယ်ကြီးကို အိမ်ထဲကနေ လှမ်းမြင်ရင်ခုန်နေတဲ့ ခံစားချက်နဲ့အတူ၊ အိမ်ရှေ့ပေါက်ကနေ ပင်လယ်ဘက်ကို ထွက်လာခဲ့တယ်။

ပထမတော့ သောင်စပ်က သဲတွေကို ခြေထောက်နဲ့ ထိုးဖွကြည့်တယ်။ သောင်စပ်နားမှာ အုန်းပင် ခပ်ကျဲကျဲပေါက်နေတယ်။ အိမ်ကလေးရဲ့ ဘယ်ဘက်မှာ တထီးတည်းသော အုန်းပင်က ပင်စည်တစ်ဝက်လောက်ထိ မြေပြင်နဲ့ မျဉ်းပြိုင်စောင်းနေပြီးမှ အပေါ်ကို ထောင်တက်သွားတယ်။ သောင်စပ်တလျှောက် ခရုခွံတွေ၊ ကြယ်ငါးအသေတွေ၊ သန္တာကျောက်တန်းကပဲ့ကြွေစီးမျောသောင်တင်လာပုံရတဲ့ အပိုင်းအစလေးတွေက တစ်တန်းကြီးပဲ။ အဲဒီနောက်မှာကတော့ ပင်လယ်ရေနဲ့နူးအိပျော့တွဲနေပြီဖြစ်တဲ့ အုန်းခွံတန်း။ မကြာခင်မှာ ပင်လယ်ပြင်ကပေးထားတဲ့ သဘာဝတရားတွေကို ပင်လယ်ပြင်က ပြန်သိမ်းယူသွားတော့မှာ။

ပင်လယ်ဘက်ကိုထွက်လာတဲ့ ကျမနောက်မှာ ညီမလေးက ကပ်လိုက်လာတယ်။ သူ့ကိုကြည့်ရတာ သဲထဲမှာ ကြိုးစားယက်နေရတဲ့ လိပ်ပေါက်စလေးလိုပဲ။ ခရီးပမ်းလာလို့ မောနေတာလည်း ပါတယ်ထင်တယ်၊ ကျောက်တုံးတစ်တုံးပေါ်မှာ သွားထိုင်နေတယ်။ အဲဒီကျောက်တုံးကလည်း လူ့ယဉ်ကျေးမှုကြီးတွေ ပေါ်မလာခင်ကတည်းက သူ့အတွက် ရှိနေပေးသလားထင်ရအောင် သူ့ကိုယ်လုံးနဲ့အတိပဲ။ နောက်ပြီး ကျောက်တုံးက ခပ်ခွက်ခွက်လေးဖြစ်နေတော့ သူ့အတွက် ဆိုဖာကျောက်တုံးလေးပေါ့။ နောက်ပိုင်းမှာ သူအဲဒီကျောက်တုံးလေးမှာပဲ အမြဲထိုင်ပြီး ပင်လယ်ဘက်ကို ငေးနေတတ်တယ်။ ကျမတို့ ညီအစ်မက သူများညီအစ်မတွေကို သိပ်မဆော့ဘူးလို့ ကိုယ့်ကိုကိုယ်ထင်ပေမယ့် မေမေကတော့ အဲသလိုမထင်ဘူး။ နှစ်ယောက်သား စကားတွေတော့ အရမ်းပြောတယ်။ ညီအစ်မနှစ်ယောက်ထိုင်နေကြတာကို အဝေးကနေကြည့်ရင် တစ်ယောက်နဲ့တစ်ယောက် စကားမပြောကြဘဲ ထိုင်နေကြတဲ့ပုံစံမျိုး။ ဒါပေမယ့် စကားတွေ အများကြီး ပြောနေတတ်ကြတယ်။ အဲဒါ… အခုချိန်ထိပါပဲ။

ကျမလည်း သောင်ပြင်ကြီးအတိုင်း ပင်လယ်ဘက်ကိုလျှောက်လာလိုက်တာ အိမ်ကလေးက မှုန်ပြပြဘဲ ကျန်တော့တယ်။

(ဆက်ဖတ်ရန်…)

January 5, 2014

မုန်းချင်တယ်ကွယ်.. မြသီလာရယ် (၅)

Filed under: စာအုပ်ခံစားချက် (Book Review), ၀တ္ထု (Novels) — အိမ့်ချမ်းမြေ့ @ 2:57 am

အဲသလိုနဲ့ ကျမတို့သူငယ်ချင်းတွေ အခြေအနေပေးရင် ပေးသလို မန်ကျည်းပင်ကြီးအောက်မှာ ကရာတေးကျင့်ကြတော့တယ်။ ဖြစ်ချင်တော့ မြောင်းမြကနေ ရန်ကုန်မှာ အလုပ်လာလုပ်တဲ့ ကျမရဲ့အထိန်းကလည်း ကရာတေးတတ်တယ်။ အထိန်းဆိုပေမယ့်လည်း အဲဒီတုန်းက ရှိလှမှ ၁၇နှစ်လောက်ပဲ ရှိဦးမယ်။ ကျမတို့ ညည လူခြေတိတ်တာနဲ့ အိမ်နောက်ဘက် သဲဖြူဖြူတွေပေါ်မှာ ‘ဟီး…ယား’ လုပ်ကြတာ တော်တော်ပျော်ဖို့ ကောင်းတယ်။ လသာနေပြီဆိုရင် မန်ကျည်းကိုင်းတွေနဲ့ မန်ကျည်းရွက်တွေကို ဖြတ်လို့ လရောင်က သဲဖြူဖြူတွေပေါ်ကို ဖျာကျနေတာ လင်းလို့ထိန်လို့။ မန်ကျည်းရွက်အရိပ်တွေကိုတောင် ထင်းနေအောင် မြင်ရတတ်တယ်။

အဲသလို သဲဖြူဖြူတွေပေါ်မှာ ‘ဟီး… ယား’ လုပ်တာ ပထမဆုံးအကြိမ်တော့ မဟုတ်ပါဘူး။ မကြာသေးခင်း ကာလတစ်ခုတုန်းကလည်း လရောင်အောက်က သဲဖြူဖြူတွေပေါ်မှာ သူငယ်ချင်းတွေနဲ့ ကရာတေးကျင့်ခဲ့ဖူ။းပါတယ်။

အဲဒီ သဲဖြူဖြူတွေ ရှိတဲ့နေရာကတော့ အားလုံးနဲ့ဝေးတဲ့ နေရာတစ်ခုမှာ ထီးထီးကြီး ရှိနေတဲ့ “ကိုးကိုးကျွန်း” ဆိုတဲ့ ကျွန်းတစ်ကျွန်းပေါ်မှာပါပဲ။

ရေကျသွားပြီဆိုရင် သောင်ပြင်ဖြူလွှလွှတွေ မျက်စိတစ်ဆုံးပေါ်နေတတ်တဲ့၊ အုန်းပင်တွေ ပင်လယ်ကဗွီးတွေ အစုလိုက်ပေါက်နေတတ်တဲ့ ရေပတ်လည် ဝန်းရံနေတဲ့ ကျွန်းကလေးတစ်ကျွန်းပါ။

အဲဒီ ကျွန်းကလေးဟာ လူတွေခြေထောက်တောင် ချဖို့မသင့်တဲ့ ကျွန်းကလေးလို့ ထင်တယ်။ သဘာဝအလှတွေ၊ ရှားပါးသစ်ပင်တွေ၊ ရှားပါး ရေသတ္တဝါတွေ၊ လူကြီးတွေတောင် တက်စီးလို့ရတဲ့ လိပ်ကြီးတွေ ကျင်လည်ကျက်စားရာ အိန္ဒိယ သမုဒ္ဒရာထဲက မြန်မာတွေပိုင်တဲ့ ကျွန်းမို့ သဘာဝလေးအတိုင်း သူ့ဟာသူလေး ရှိနေစေချင်မိတာ ကျမရဲ့ ဆန္ဒပါ။

သာယာလှပလွန်းတဲ့ ကိုးကိုးကျွန်းရဲ့ အတိတ်ဟာလည်း မြန်မာပြည်မကြီးလိုပဲ ကံမကောင်း အကြောင်းမလှခဲ့ပါဘူး။

ကိုးကိုးကျွန်းဟာ ကျွန်းကြီး၊ ကျွန်းလေးအပြင် အခြားကျွန်းသေး၂ကျွန်းနဲ့ ဖွဲ့တည်ထားတာပါ။ ကျွန်းကြီးနဲ့ကျွန်းလေးကြားက ရေလက်ကြားကိုတော့ Alexandra Channel လို့ခေါ်ပါတယ်။ ကိုးကိုးကျွန်းစုတွေဆိုပြီး ကြားထဲက ရေလက်ကြားကတော့ အင်္ဂလိပ်အမည်ဖြစ်နေရတာ၊ ကိုးကိုးကျွန်းစုများကို အင်္ဂလိပ်က သိမ်းပိုက်ထားခဲ့လို့ပါပဲ။ ကိုးကိုးကျွန်း ဆိုတာကလည်း အုန်းသီးလို့ခေါ်တဲ့ ကိုးကိုးနတ် (coconut) ကို သူတို့စကားအရခေါ်ရင်း ကိုးကိုးကျွန်း ဖြစ်ခဲ့တာလို့လည်း ဆိုပါတယ်။ ကိုးကိုးကျွန်းဟာ အင်္ဂလိပ်လက်အောက်ကနေ မြန်မာတွေရဲ့ လက်ထဲကို ပြန်ရောက်လာခဲ့ပါတယ်။ ဒါပေမယ့် သိပ်မကြာခင်မှာ မြန်မာလက်ထဲကနေ ဂျပန်လက်ထဲကို ကျရောက်ခဲ့ပြန်ပါတယ်။

ပြီးတော့ တစ်ခါ မြန်မာတွေလက်ထဲကို ပြန်ရောက်လာပြန်ပါတယ်။ ဒီကြားထဲမှာ အိန္ဒိယနိုင်ငံရဲ့ ပထမဆုံးသော ဝန်ကြီးချုပ် ဂျဝါဟလာနေရူးက ကိုးကိုးကျွန်းကို ၁၉၅၀ခုနှစ်တွေတုန်းက မြန်မာတွေဆီ လှူလိုက်တာ၊ အရင်တုန်းက အိန္ဒိယပိုင်လို့လည်း ဆိုကြပါတယ်။ နောက်တော့လည်း အားလုံးသိကြတဲ့အတိုင်းပါပဲ ဦးနေဝင်းအစိုးရလက်ထက်မှာ ကိုးကိုးကျွန်းဟာ နိုင်ငံရေးသမားတွေနဲ့ စာရေးဆရာကြီးတွေကို တစ်သက်တစ်ကျွန်းပို့တဲ့ ကျွန်းကလေး ဖြစ်လာရပြန်ပါတယ်။ ဒါတွေအပြင် မြန်မာတွေပိုင်တဲ့ ဒီကျွန်းကလေးကို တရုတ်အစိုးရထံ ဌားရမ်းထားတယ်လို့လည်း သတင်းတွေကထွက်ပြန်ပါတယ်။ ဒါကိုလည်း အမေရိကန်က ရေဒါတွေနဲ့ ဟုတ်-မဟုတ် စောင့်ကြည့်နေကြပြီး မဟုတ်ဘူးလို့ ဆိုပြန်ပါတယ်။ လောလောဆယ် ကျမမှာ ရှိတဲ့ မဖြစ်စလောက် ပရိုဂရမ်လေးနဲ့ လှမ်းကြည့်တော့လည်း ကိုးကိုးကျွန်းလေးဟာ ပင်လယ်ပြာကြီးထဲမှာ တိတ်တဆိတ်ပါပဲ။ အိမ်ခြေလေး အနည်းငယ်နဲ့ ဘာမှကို မရှိရှာပါဘူး။

ကျမရောက်ခဲ့စဉ်အချိန်တုန်းကတော့ ကိုးကိုးကျွန်းပေါ်က နိုင်ငံရေးအကျဉ်းထောင်ကို ဖျက်သိမ်းပြီးခဲ့ပါပြီ။ ကိုးကိုးကျွန်းကို သွားမယ်ဆိုတုန်းက သူငယ်ချင်းအချို့ကတော့ ထောင်သားတွေကို ထားတဲ့ကျွန်းကြီးပေါ်ကို သွားမှာ မကြောက်ဘူးလားလို့ မေးကြပါတယ်။ အရွယ်လေးတွေဟာ သိပ်ငယ်လွန်းတဲ့အတွက် အဲဒီကျွန်းကြီးပေါ်မှာ တစ်သက်တစ်ကျွန်းကျခဲ့ရသူတွေဟာ လူဆိုးသူခိုးတွေ မဟုတ်ဘူးဆိုတာ သူတို့ ဘယ်လိုမှ မသိနိုင်ခဲ့ပါဘူး။

ဒီလိုနဲ့ ကျမတို့ ကိုးကိုးကျွန်းကိုသွားမယ့် သဘောင်္ပေါ်ကို ရောက်ခဲ့ပါတယ်။ ကိုးကိုးကျွန်းဟာ ရန်ကုန်မြို့အနောက်တောင်ဘက် ရေမိုင်(၂၅၀)အကွာမှာ ရှိပါတယ်။ ဖေဖေဟာ ကျမတို့လိုက်မယ်ဆိုလို့ ရာသီဥတုသာယာတဲ့ နွေရာသီကို ရွေးခဲ့ပါတယ်။ ဒီလိုနဲ့ ကျမတို့ သာယာလှပတဲ့ ညနေခင်းတစ်ခုမှာ ကိုးကိုးကျွန်းကို ထွက်ခဲ့ကြပါတယ်။ ညနေစောင်း ထမင်းစားပြီးချိန်အထိ ပင်လယ်ပြင်ဟာ ချစ်စရာကောင်းဆဲပဲ။ လှိုင်းလေငြိမ်သက်လို့။ ကျမ သတိထားမိတာကတော့ သဘောင်္ပေါ်မှာ လူခြေတိတ်ဆိတ်လွန်းနေတယ်ဆိုတာပါပဲ။ ဟိုနား ဒီနား ယူနီဖောင်းဝတ် အချို့ကလွဲလို့ တိတ်ဆိတ်နေတယ်။ ညစာစားပြီးတဲ့ အချိန်မှာ ကျမက ထမင်းစားပွဲပေါ်က လိမ္မော်သီးလေး နှစ်လုံးကို ဂါဝန်အိတ်လေးထဲမှာ ထည့်ထားလိုက်တယ်။

(ဆက်ဖတ်ရန်…)

January 3, 2014

မုန်းချင်တယ်ကွယ်.. မြသီလာရယ် (၄)

Filed under: စာအုပ်ခံစားချက် (Book Review), အတွေးအမြင်, ၀တ္ထု (Novels) — အိမ့်ချမ်းမြေ့ @ 6:02 pm

အခြားတိုင်းပြည်မှာ ရှိတဲ့လူငယ်တော်တော်များများဟာ ပညာရေး၊ အားကစား၊ အနုပညာ၊ ဂီတ၊ တီထွင်ဖန်တီးမှုတွေထဲမှာ ကျင်လည်ပျော်ပါးနေချိန်၊ ကျမတို့တိုင်းပြည်က လူငယ်အများစုမှာတော့ မွန်းကြပ်မှုတွေနဲ့ တစ်စုံတစ်ရာကို အမြဲမကျေမနပ်မှုတွေထဲမှာ ကျင်လည်ခဲ့ကြတယ်။

တိုင်းပြည်ဟာ မငြိမ်းချမ်းခဲ့ဘူး။

ငြိမ်းချမ်းသင့်သလောက် မငြိမ်းခဲ့တဲ့ တိုင်းပြည်ထဲကလူငယ်တွေကို ဦးနှောက်လျှော်ဖွပ်ထားခဲ့တာကတော့ “ကမ္ဘာပေါ်မှာ အယဉ်ကျေးဆုံးတိုင်းပြည်” ဆိုပြီး ဦးနှောက်လျှော်ဖွပ်ထားတယ်။ ကိုယ့်တိုင်းပြည်ကလွဲပြီး ကျန်တဲ့တိုင်းပြည်က လူတွေမှာ ဟိရိသြတ္တပ္ပတရားဆိုတာ မရှိကြဘူး၊ ကြင်နာသနားတတ်ခြင်း မရှိကြဘူး၊ ဘာသာရေးမကိုင်းရှိုင်းကြဘူး၊ အလှူအတန်းမရက်ရောကြဘူး။ ကိုယ်တွေသာလျှင် ကြင်နာသနားတတ်တယ်၊ အလှူရက်ရောတယ်၊ ကြင်နာသနားတတ်တယ်လို့ အဟုတ်ကိုထင်ခဲ့တယ်။ ကိုယ့်တိုင်းပြည်သာလျှင် အယဉ်ကျေးဆုံး၊ အငြိမ်းချမ်းဆုံး တိုင်းပြည်လို့ ထင်ခဲ့တယ်။ တစ်ကယ်တော့ ဦးကျိုးနာခံပြီး တစ်ခွန်းမှ ပြန်မပြောရဲတာ ယဉ်ကျေးတာမဟုတ်ဘူး၊ ရိုင်းပြစရာမလိုဘဲ ကောင်းမွန်စွာ ဆွေးနွေးပြောဆိုငြင်းခုံတတ်ခြင်း၊ လူကြီးတွေ၊ ဘာသာရေးအကြီးအကဲတွေ၊ ဆရာ-ဆရာမတွေနဲ့ အကြောင်းတစ်စုံတစ်ရာကို အော်ဟစ်ဆဲဆိုစရာမလိုဘဲ အဆင့်အတန်းရှိရှိနဲ့ အပြန်အလှန် ဆွေးနွေးပြောဆိုတတ်ခြင်း (dialogue) ဆိုတာကို မသိခဲ့ကြဘူး။ လူငယ်တွေက ပြောချင်ကြတယ်ဆိုရင်တောင် လူကြီးတွေအနေနဲ့က ဒါကို အာခံခြင်းလို့ မြင်တတ်ကြသေးတယ်။

ငြိမ်းချမ်းခွင့်ရှိရဲ့သားနဲ့ မငြိမ်းချမ်းနိုင်တဲ့ တိုင်းပြည်လေးဟာ အင်္ဂလိပ်က ကျွန်ပြုခြင်း၊ ဂျပန်ကျွန်ပြုခြင်း စတာတွေကိုလည်း ခံခဲ့ရတယ်။ ထိုသို့သော သခင်ဆိုသူတွေနဲ့ သူတို့ချမှတ်ထားတဲ့ စနစ်တွေကိုလည်း ဂျင်နရေးရှင်းတွေအလိုက် တော်လှန်ခဲ့ကြရသေးတယ်။

“အသေရိုက်သတ်
အမြီးပြတ်လည်း
ဆတ်ဆတ် ဆတ်ဆတ် တုန်သေးသည်”

ဆရာကြီး သုခမိန်လှိုင်ရေးခဲ့ဖူးတဲ့ ‘တော်လှန်သောအသိ’ ဆိုတဲ့ ရုပ်ရှင်သစ်မဂ္ဂဇင်းက ကဗျာအပိုင်းအစလေး။ လူငယ်တွေရဲ့ အတ္တမဲ့တော်လှန်ရေးကို ပိုမိုစိတ်ကြွစေခဲ့သလား။

(ဆက်ဖတ်ရန်…)

January 1, 2014

♫ ♥●••·˙ ကူးပြောင်းခြင်း˙·••●♥♫

Filed under: ကဗျာ (Poems) — အိမ့်ချမ်းမြေ့ @ 1:23 am

ရွက်ကြွေတောနားက
ဆွေးဆွေးလေး စီးနေတဲ့
ခပ်နွေးနွေး စမ်းချောင်းဘေး

ဒါမှမဟုတ်…

moonriver.jpg

(ဆက်ဖတ်ရန်…)

December 31, 2013

မုန်းချင်တယ်ကွယ်.. မြသီလာရယ် (၃)

Filed under: စာအုပ်ခံစားချက် (Book Review), ၀တ္ထု (Novels) — အိမ့်ချမ်းမြေ့ @ 8:31 pm

အဲသလို…. အနာဂတ်က မရေရာဘူးဆိုတဲ့ အတွေးတွေကိုထမ်းပိုးလို့ မြသီလာကို အရောက်သွားမှာမဟုတ်ဘူးဆိုတဲ့ စိတ်မျိုးတွေက သူငယ်ချင်းအချို့ရဲ့ စိတ်ထဲမှာလည်း ရှိနေခဲ့ကြတယ်။ အချို့ကလည်း မြသီလာကို သွားတော့သွားမယ်၊ ဒါပေမယ့် တစ်ချိန်ချိန်မှာ မြသီလာနဲ့ အဝေးကြီး.. အဝေးကြီးနေရာတွေကို အရောက်သွားပြီး ဘဝရပ်တည်မှုတွက်၊ ပညာ၊ ငွေ၊ ဥစ္စာတစ်ခုခု ရှာရမယ်ဆိုတဲ့ စိတ်မျိုးတွေကလည်း ရှိနေခဲ့ကြတယ်။

ကိုယ်နေတဲ့ သစ်ပင်ကြီး သိပ်လှမှန်း၊ သိပ်ချစ်စရာကောင်းမှန်းလည်း သိတယ်။ တစ်ချိန်တည်းမှာပဲ အချို့သစ်ကိုင်းတွေဟာ ယိုယွင်းပျက်စီးနေတယ် ဆိုတာကိုလည်း သိကြတယ်။ ကျိုးနေတဲ့ သစ်ကိုင်းတွေကို ကိုယ်တိုင်လည်း မပြုပြင်တတ်ဘူး၊ ပြုပြင်တတ်ခဲ့ရင်တောင် တိတ်အနီတွေက ပတ်ထားခြင်းခံနေရတယ်။ အဲလိုအချိန်မှာ… ပတ်ဝန်းကျင်က အခြားဌက်ကလေးတွေကလည်း အဝေးကြီးကို ပျံပျံသွားတယ်။ အချို့ကလည်း ပြန်မလာတော့ဘူး၊ အချို့ကလည်း ပြန်လာတယ်။ ပြန်လာရင်လည်း အမွှေးအတောင်က ပြောင်ပြောင်လက်လက်နဲ့ဆိုတော့….. ဒီသစ်ပင်ကြီးကို ချစ်နေပါသော်လည်း ဟိုးခပ်ဝေးဝေးကို ပျံသန်းကြည့်ချင်တဲ့ စိတ်တစ်ခုက ဖြစ်နေခဲ့ကြတယ်။ လူဆိုတာကလည်း အဝေးက မြက်ခင်းကမှ ပိုစိမ်းတတ်တဲ့ သဘောက ရှိတာကိုး။

တစ်ကယ်ဆို…. ကိုယ့်တိုင်းပြည်ကနေ အဝေးကြီး အဝေးကြီးကို သွားမယ်ဆိုတဲ့ စိတ်တွေဟာ အခြားတိုင်းပြည်တွေထဲက လူငယ်တွေရဲ့စိတ်ထဲမှာ ကျမတို့လောက် အနည်ကျနေကြပါ့မလား။ ဒီလိုစိတ်မျိုးတွေဟာ ကျမတို့တိုင်းပြည်ကလူငယ်တွေရဲ့ စိတ်ထဲမှာပဲ အောင်းနေကြတာလား။ ဒီလောက်သာယာလှပတဲ့၊ ချစ်စရာကောင်းတဲ့၊ ချစ်လည်းချစ်နေရတဲ့ တိုင်းပြည်ကို ထားပြီး အပြင်ကိုထွက်ချင်နေတဲ့စိတ်မျိုး အခြားတိုင်းပြည်က လူငယ်တွေမှာ မရှိသလောက်နည်းတယ်ဆိုတာ၊ ကိုယ်တိုင်အပြင်ရောက်မှ သိလာခဲ့ရတယ်။ အမေရိကန်လူငယ်တွေ၊ သြဇီလူငယ်တွေ၊ ကနေဒီယန်လူငယ်တွေ ထား၊ ကုန်ကုန်ပြောရရင် စင်္ကာပူ၊ ထိုင်းက လူငယ်တွေတောင် ကျောင်းပြီးရင် နိုင်ငံခြားထွက် အလုပ်လုပ်မယ်၊ ပညာရှာမယ်ဆိုတဲ့ အတွေးတွေ ရှိလိမ့်မှာ မဟုတ်ဘူး။ သူတို့ထွက်တယ်ဆိုရင်လည်း ဝမ်းဝဖို့၊ မိသားစု ပြန်ကြည့်ဖို့၊ ကိုယ့်အတွက် ပညာရှာဖို့ ဆိုတာထက်၊ (များသောအားဖြင့်) ဝါသနာအရ၊ လူသားထုတစ်ခုလုံးရဲ့ အကျိုးစီးပွား အရပဲ ဖြစ်လိမ့်မယ်။ အခုချိန်ထိတောင်မှာ သူတို့ကိုယ်ဆီကိုလာရင် စီးပွားမြုပ်နှံဖို့၊ expatriate တွေအနေနဲ့ပဲ လာကြတာများတယ်။

ဟိုတုန်းကတည်းကလည်း အပြင်ကို ထွက်သွားတဲ့သူတွေကို တိုင်းပြည်သစ္စာဖောက်တွေ၊ အမိမြန်မာပြည်ကို မချစ်တဲ့သူတွေ၊ စိတ်ရဲ့ချမ်းသာမှုကို စွန့်ပစ်ပြီး ရုပ်ဝတ္ထုနောက်ကို လိုက်သူတွေလို့လည်း ပတ်ဝန်းကျင်ထဲကလူတွေကပဲ အချင်းချင်း အဖန်တလဲလဲ ဦးနှောက်လျှောက်ဖွတ်တတ်ကြသေးတယ်။

(ဆက်ဖတ်ရန်…)

December 17, 2013

မုန်းချင်တယ်ကွယ်.. မြသီလာရယ် (၂)

myathilar.jpg ဒီလိုနဲ့ ‘မြသီလာအလွမ်းပြေ’ ရဲ့ ညံ့သက်စွာ နှိပ်စက်ခံရတဲ့ တလူးလူး တလိမ့်လိမ့်ညတွေရဲ့ အဆုံးမှာ၊ book review လည်း မဟုတ်၊ စာအုပ်လေးကို ထပ်မံမိတ်ဆက်ပေးခြင်းလည်း မမြည်တဲ့၊ ကိုယ့်အကြောင်းတွေကို ဆရာမရဲ့ ‘မြသီလာအလွမ်းပြေ’ နဲ့ ချိန်ထိုးခြင်းလို့ ဆိုလို့ရတဲ့စာတွေကို၊ နှလုံးသားကကော ဦးနှောက်ကပါ တရဟော ထထ ရေးနေတော့တာပါပဲ။ တစ်ကယ်ကတော့ စာအုပ်ထဲကစာတွေကို တစ်ပုဒ်ဖတ်ပြီးတိုင်း ဆရာမမေငြိမ်းကို ကိုယ့်ရင်ထဲက စကားတွေ၊ ကိုယ်ဖြစ်ခဲ့တဲ့ အဖြစ်တွေကို တသွင်သွင်ပြောနေမိတဲ့ အဖြစ်မျိုး။

ဆရာမပြောတဲ့ ခင်မောင်တိုး၊ ခင်ဝမ်း၊ ခိုင်ထူး၊ မွန်းအောင်တို့ဆိုတာက အလယ်တန်းကျောင်းသူ ဘဝထဲက စူးစူးရှရှ နားထောင်ခဲ့ဖူးတယ်။ အထူးသဖြင့် ခိုင်ထူးနဲ့ မွန်းအောင်။ မူလတန်းနဲ့အလယ်တန်းကာလ စပ်ကြားလောက်ကစပြီး ကော်နီ၊ ဟေမာနေဝင်း၊ မေဆွိ စတဲ့ နိုင်ငံကျော်တေးသံရှင်တွေရယ်၊ ခင်မောင်တိုး၊ ခင်ဝမ်း၊ ခိုင်ထူး၊ မွန်းအောင်တို့ရဲ့ တေးသံတွေရယ်က ရန်ကုန်မြို့ရဲ့ လမ်းမတွေပေါ်ကို လက်ဘက်ရည်ဆိုင်တွေကနေ ဖိတ်စင်ကျလာနေတာ တရဟော။ မိန်းကလေးတေးသံရှင်တွေရဲ့ သီချင်းတွေထဲမှာ ‘ကိုကိုရေ သိပ်ချစ်တယ်.. အစွဲကြီးစွဲမိပြီရှင်’ တို့၊ ‘မခင်ချင်လည်း ရပါတယ်၊ မကြင်ချင်လည်း ရပါတယ်၊ ရင်ထဲက သမီးရဲ့ဦးကို အမြဲတမ်းနားလည်မယ်’ ဆိုတာတွေကိုလည်း မကြားချင်မှ အဆုံး။

ဂျေမောင်မောင်ရဲ့ ‘အချစ်ရေ့ နေလို့မှ ကောင်းရဲ့လား’ နဲ့ စပြီး ရင်းနှီးရတဲ့နေ့က မန်းချောင်းရေမျက်နှာပြင်ပေါ်က ဝါးတံတားလေးပေါ်မှာ။ အဲဒီတုန်းက ကျမ ဂါဝန်ဝတ်ဆဲ အရွယ်။ သနပ်ခါးပါးကွက်ကြားနဲ့ ဂါဝန်ကလေးနဲ့ မိသားစုတည်းခိုနေတဲ့ ရွှေစက်တော်ဘန်ဂလိုတစ်ခုရဲ့ရှေ့က ဝါးတံတားလေးပေါ်မှာထိုင်ပြီး၊ နေဝင်ရီတရောမှာ အေးမြစွာ တသွင်သွင်စီးကျနေတဲ့ တောင်ကျချောင်းရေထဲ ခြေထောက်ချပြီး ချောင်းအထက်ပိုင်းကို ငေးနေခဲ့စဉ်ကပေါ့။ ဂျေမောင်မောင်ရဲ့ ဆွေးဆွေးမြေ့မြေ့အသံဟာ ဟိုးတောင်ပေါ်ကနေ တောင်အောက်ကချောင်းရေထဲ လက်ပံသီးကလေး ဝေ့ကနဲဝိုက်ကနဲ ကြွေကျလာသလို့ တောင်နံရံတွေကို ပဲ့တင်ခတ်လို့ စီးမျောလာတယ်။ ရင်ထဲမှာ ဘာကိုလွမ်းရမှန်းမသိဘူးဖြစ်နေခဲ့တယ်။ အဲဒီအရွယ်ကလည်း ကလေးအရွယ်ကနေလူငယ်အရွယ်ကို ကူးကာစ၊ လွမ်းစရာနတ္တိပေမယ့်၊ လွမ်းတတ်ဆွေးတတ်ချစ်တတ်ဖို့ အရွယ်ကို အစပျိုးလာနေတဲ့ အရွယ်ထင်ပါတယ်။

(ဆက်ဖတ်ရန်…)

အဟောင်းလေးတွေဖတ်ချင်ရင်.. »

Creative Commons License
This work is licensed under a Creative Commons Attribution-Noncommercial-Share Alike 2.5 Canada License.

ကျမစာလေးတွေကို အချိန်ပေးလာရောက်ဖတ်ရှုသော သူများအားလုံးကို ကျေးဇူးတင်ပါတယ်...လို့ ပြောကြားလိုပါတယ်ရှင်။

♫ ♥●••·˙My story telling is reshaped by your attentive imagination˙·••●♥♫
သည်စာမျက်နှာပေါ်တွင်ရှိသော ... ဖန်တီးထားသော စာပေ၊ ဆောင်းပါး စသော အနုပညာနှင့် ပတ်သက်သောစာများ၊ ကျမကိုယ်တိုင်ဆွဲသော မတောက်တခေါက်ပန်းချီများ၊ ဓာတ်ပုံများကို အခြားနေရာတွင် ကူးယူဖော်ပြသည့်အခါတွင် အိမ့်ချမ်းမြေ့အမည်နှင့် ဆိုက်အမည်ကို "မြင်သာထင်ရှားသောနေရာတွင်" ဖော်ပြပေးပါရန် လေးစားစွာဖြင့် တောင်းပန်အပ်ပါသည်ရှင်။

ယောက် စာဖတ်နေပါတယ်

♥♥ ...... ♥♥

တစ်ချိန်တုန်းက အမှတ်တယလေးတွေ....

myfeet4.gif

♥♥ ...... ♥♥

myfeet5.gif

web site hit counter